Iliz (savadur)

Er relijion kristen eo an iliz ar savadur relijiel pennañ er barrez, rak ar savadurioù heñvel eus eil renk a vez anvet chapelioù.

Evit pediñ ha ober lidoù e vez bodet ar feizidi. Eno e lid ar beleg katolik pe reizhkredennour an oferenn hag ar pastor protestant ar c'hult.

Renkadur an ilizoù

Hervez o brasted pe o implij e c'hell bezañ an ilizoù :

• iliz-veur m'eo iliz un eskob.
• iliz-primad m'eo iliz un arc'heskob-primad
• penn-iliz
  • m'eo bet savet hervez tres an Henamzer
  • m'eo bet savet gant un impalaer
  • m'en deus roet ar Pab an titl-se dezhi (abalamour d'ur pirc'hirinded peurvuiañ)
• iliz-chabistr ma 'z eus ur chabistr chalonied evit he merañ (ha ma n'eo ket un iliz-veur)
• iliz parrez ma vez implijet gant ue gumuniezh lik nemetken
• iliz abati m'eo iliz pennañ un abati.
• Ur chapel a zo ul lec'h a eil renk evit al lidoù :
  • m'eo enklozet en un iliz, implijet e vez evit enoriñ ur sant pe ober lidoù ur familh pe ur genvreuriezh
  • ur chapel gastell pe chapel ospital pe ur chapel vered e c'hell bezañ ivez.
  • ur chapel goun eo m'eo bet savet en ul lec'h dibar : (andon burzhudus, lec'h ur burzhud, bez ur sant en diavaez)