Hudellouriezh ar brennid

Hudellouriezh ar brennid, pe ar c'hoant-bronnoù, eo ar c'hoant pe an trivliad reizhel o deus tud a zo evit an divronn.
Ur barafiliezh e oa hervez ar bredelfenner Sigmund Freud (1856-1939), pa ne gav lod tud o flijadur reizhel nemet dre vronnoù ar merc'hed^[1], hogen un emzalc'h boutin eo hudellouriezh ar bronnoù hiziv an deiz — dre erotegezh ar bronnoù bet skignet dre sinema Hollywood pergen, gant dremmourezed evel Mae West da skouer, dre ar filmoù hudur ha dre an daranverezh.
Paotred e vez ar vronngarourien peurvuiañ, met plac'hed e c'hallont bezañ a-wechoù.

Ragistor [kemmañ]

Hervez ar roudoù ragistorel evel an delwennoù Gwener Dolní Věstonice pe Gwener Willendorf ez eus eus hudellouriezh ar brennid un doug ken kozh ha mab-den war an douar.