Herve Seubil gKernaudour
| Herve Seubil gKernaudour | |
|---|---|
| |
| Anv ofisiel | Hervé Sebille Kernaudour |
| Obererezh | Barzh, troour, yezhour |
| Ganedigezh | 1957 e Treger  Breizh
|
| Yezh skrivañ | Brezhoneg |
| Enorioù | Brezhoneger ar bloaz 2015 |
| Oberennoù pennañ | |
| Prientiñ Dictionnaire du breton du Trégor-Goëlo et de Haute-Cornouaille Frañsez Vallée; Ar Roue Arzhur ha Marc'heion an Daol-Grenn; Keridwal | |
kemmañ  |
|
Herve Seubil gKernaudour, ganet d'an 12 a viz Even 1957, zo barzh, yezhoniour, saver pennadoù gwask ha troour brezhonek. Arbennigour war ar c'hoariva brezhonek rak-vodern ha war rannyezh Treger eo. Dentour eo eus e vicher. Hervé Sebille Kernaudour eo e anv ofisiel.
Buhez[kemmañ | kemmañ ar vammenn]
Ganet en ur familh gozh eus Bear eo Herve Seubil gKernaudour, gourniz d'ar barzh Erwan Seubil gKernaudour (1911-1940)[1] eo. Kar-he-yezh eo e familh, ken he deus kinniget unan eus e c'hoarezed, Yanna, abadennoù brezhonek war Radio Pays de Trégor asambles gantañ. Kaozeadennoù brezhonek a ra er skingomz hag er skinwel ingal. Pa oa krennard e taremprede aliezik Anjela Duval ha Marsel Klerg. Levezonet eo bet gant Skol an Emsav pa oa war e studioù e Roazhon. Pa oa bugel en doa bevet e Berlin ken en doa desket alamaneg eno. Goude se en doa tremenet e yaouankiz e Châtillon (Hauts-de-Seine), e rannvro Bariz.
Studioù dentouriezh e Skol-veur Paris Descartes en deus graet ha, war un dro, en deus studiet meur a dra all ivez : denoniezh, istor, yezhoù (heniwerzhoneg, krenniwerzhoneg, krenngembraeg), nadozwanerezh, henegipteg, saozneg, sañskriteg, yideg, hebraeg, ketchouaeg, finneg, poloneg ha hungareg). Un aotreegezh war ar brezhoneg hag unan all war an hebraeg hag ar yideg en deus bet, un DEA war an istor hag unan all war an hebraeg. Diskibl eo bet da Édouard Bachellery, Léon Fleuriot ha Pierre-Yves Lambert, en École pratique des hautes études. Gant Gwenole ar Menn eo bet heñchet war-zu ar c'hoariva brezhonek kozh.
Barrek eo war ur pemzek yezh bennak : brezhoneg, alamaneg, galleg, saozneg, kembraeg, kerneveureg, iwerzhoneg, islandeg, hungareg, hebraeg, arameeg, yideg, nahuatleg, latin, henc’hresianeg.
Sekretour ar gevredigezh Ofis ar Brezhoneg eo bet e-pad un nebeud bloavezhioù.
Skrivagner liesdanvez[kemmañ | kemmañ ar vammenn]
Un toullad barzhonegoù brezhonek gant klotennoù diabarzh en deus skrivet evit ar gelaouenn Al Liamm. Skrivañ a ra e brezhoneg war meur a zanvez (gerdarzhadurezh, rannyezh Treger, c'hoariva rak-vodern) er c'helaouennoù evel Hor Yezh hag Al Liamm ha boued en deus roet da vMoutig. Levrioù yaouankiz en deus troet diwar ar galleg, an alamaneg hag unan all diwar ar saozneg amerikan. Prientet en deus evit an embann dornskrid geriadur rannyezhoù Treger ha Kerne-Uhel savet gant François Vallée.
Prizioù[kemmañ | kemmañ ar vammenn]
- Priz "Brezhoneger ar bloaz" a zo aet gantañ e 2015 evit e labour ren skridaozañ Geriadur brezhoneg Treger, Goueloù ha Kernev-Uhel Frañsez Vallée.
Oberennoù[kemmañ | kemmañ ar vammenn]
Pennadoù gwask[kemmañ | kemmañ ar vammenn]
- Degasadennoù da studi istor ar c'hoariva brezhonek pobl e Goueloù e diwezh an XVIIIvet kantved", Britannia monastica / Klask, À travers les îles celtiques = A dreuz an inizi keltiek = Per insulas scotticas, Rennes, 2008, pp. 413-433.
- Tregerieg gourlu = Br. talbod, La. angelica, Hor Yezh, n° 256, Kerzu 2008
- A-zivout ar ger tregeriek pentoufañ, Hor Yezh, n° 262, Mezheven 2010
- A-zivout ar ger tregeriek pi(g)elloù, Hor Yezh, n° 265, Meurzh 2011
Embannerezh[kemmañ | kemmañ ar vammenn]
- Dictionnaire du breton du Trégor-Goëlo et de Haute-Cornouaille, Kuzul ar Brezhoneg, Lannuon, 2014. Aozadenner evit an embann.
- Keridwal, barzhaz, Embannadurioù Al Liamm, 2017.
Troidigezhioù brezhonek[kemmañ | kemmañ ar vammenn]
- Breudeur Grimm, Marvailhoù Grimm, skeudennoù gant Pawel Pawlak. An Here, 1997. Troet diwar an alamaneg.
- Geneviève Huriet, Nijadenn ar re Dro-Heol, Keit Vimp Bev, 1997. Troet diwar ar galleg. ISBN2-86824-025-9
- Molly Perham, Ar roue Arzhur ha marc'heion an Daol-grenn, An Here, 1998. Troet diwar ar saozneg amerikan.
- Yves Tanguy, René Le Bihan & R. Mabin, An Here, 2001
- Div zanevell gant Anatol ar Braz hag Émile Souvestre, diwar ar galleg, e Mojennoù ar marv e Breizh-Izel hag e Breizh-Uhel, An Alarc’h, 2013.
Daveennoù[kemmañ | kemmañ ar vammenn]
- ↑ Erwan Seubil gKernaudour (anv barzh : Evnig Kernaour) en deus diazezet Kelc'h keltiek Bear er bloavezhioù 1930.