Hatied

Eus Wikipedia
Mont da : merdeiñ, klask

An Hatied a oa ur bobl eus an Henamzer hag a veve e bro Hatti, hiziv e kreiz hag e gevred Anatolia, (anvet Azia-Vihanañ en Henamzer klasel). Sevenadur an Hatied a oa anezhi etre 2500 - 2000 ha 1700 kent J.-K. e deroù hag e kreiz oadvezh an arem.

Evel ma n'o devoa an Hatied tamm skritur ebet (er prantad kentistorel e oant eta), e ranker fiziañ e mammennoù dieeun pe disklêriadennoù pobloù all. Moarvat e implije ar renerien hati skribed hag a skrive en asirieg da genwerzhañ gant Mezopotamia.

Anv koshañ Anatolia, "Bro Hatti" a oa kavet evit ar wezh kentañ war tablezennoù e skritur gennheñvel eus Mezopotamia eus prantad an impalaeriezh akkadiat (2350-2150 kent J.-K.). War an tablezennoù-se e aspede marc'hadourien Asirian ar roue asiriat Sargon da gas sikour dezhe. Derc'hel a reas an anv-se da vezañ implijet e-pad 1500 vloaz betek 630 kent J.-K., evel m'en diskouez ar bloazdanevelloù asiriat.

Komz a raent ur yezh ha na oa ket indezeuropek, an hateg. Lod eus ar ouizieien a gred bremañ e oa kar da yezhoù gwalarn ar C'haokaz [1]. A-benn ar fin en em veskont gant an Hitited, pe e oa kemeret o flas gant ar re a gomze hititeg.

Notennoù[kemmañ]

  1. Bryce, Trevor The Kingdom of the Hittites, 1998, Oxford University Press, pp.

Levrlennadur[kemmañ]

Liammoù diavaez[kemmañ]