Gwener Capitolina

Eus Wikipedia
Mont da : merdeiñ, klask
Gwener Capitolina (Mirdioù ar C'hapitol).

Gwener Capitolina (pe Venus Capitolina) zo un delwenn eus an doueez roman Gwener, unan eus ar seurt Venus Pudica, evel ar Venus de' Medici, savet war batrom Afrodite Knidos. Aes eo da anavezout abalamour d'ar penaos emañ he divvrec'h ganti: goude ur gouronkadenn emañ an doueez Gwener o c'holeiñ he brennid gant he dorn dehoù, hag he gaol gant he dorn kleiz.

Re all en doare-se[kemmañ]

Gwener Campo Iemini: un delwenn all diwar ar memes patrom a voe dizouaret en nevezamzer 1792 e-touez delwennoù arall pa voe toullet ur genkiz roman e Campo Iemini, damdost da d-Torvaianica, e Lazio . Ar furchadenn a voe graet dindan ar Saoz Robert Fagan (1761-1816), marc'hadour hendraoù roman, ha gant paeroniezh ar priñs Augustus Frederick, dug Sussex, gant skoazell Sir Corbet Corbet (British Museum). En amzer ma voe dizouaret e kavas d'ar Saozon e oa dreist d'ar Gwener Capitolina. Goude ur c'hempenn dezhi e Roma e voe karget war ul lestr ha kaset da Londrez hag eno e voe roet gant dug Sussex d'e vreur Jord IV, a lakas anezhi e Carlton House. Pa varvas, ha pa voe distrujet Carlton House, e voe roet gant ar roue Gwilherm IV d'ar British Museum.


Afrodite Menofantos, ur Venus Pudica graet gant Menofantos, Iañ kantved kent JK, kavet e San Gregorio al Celio, e Roma (Museo Nazionale Romano)

Afrodite Menofantos a voe kavet e manati San Gregorio al Celio. Warni emañ sinatur Menofantos[1], ur c'hizeller hellazat eus ar Iañ kantved kent JK moarvat ha n'ouzer netra diwar e benn.

Notennoù[kemmañ]

  1. "Apo tis en troadi afroditis minofantos epoiei"

Lennadurezh[kemmañ]

  • Haskell, Francis and Nicholas Penny, 1981. Taste and the Antique: The Lure of Classical Sculpture 1500-1900 (Yale University Press). Cat. no. 84.
  • Helbig, Wolfgang, Führer durch die öffentlichen Sammlungen klassischer Altertümer in Rom 4th edition, 1963-72, vol. II.
  • Wilton, A. and I. Bignamini (editors.), Grand Tour: the lure of Italy in the eighteenth century (London, Tate Gallery Publishing, 1996), pp. 269-270, no. 228 (the Campo Iemini Venus).

Liammoù diavaez[kemmañ]