Gwalenn ar c'hein
Gwalenn ar c'hein, pe ar walenn-gein, pe al livenn-gein, pe ar mell-kein, eo ar gerioù a reer ganto eus an hollad eskern bihan (ar melloù) a zalc'h kein ar mellkeineged. Gwareziñ a ra ar mel-livenn dalc'het e kanol ar mellkein.
Livenn-gein an den [kemmañ]
Peurliesañ eo graet livenn-gein an den gant :
- seizh mell ar gouzoug
- daouzek mell ar c'hein
- pemp mell an dargreiz
- an askorn kroazell
- an askorn belost
Ar melloù [kemmañ]
En den ez eus 32 pe 34 mellenn dre ma'z eus 5 anezhe kendeuzet hag a ya d'ober an askorn kroazell hag etre 3 ha 5 en askorn belost.
Div lodenn zo en ur vellenn : ar c'horf (lodenn araok) hag ar wareg (lodenn adreñv) a endalc'h an toull ma tremen ar mel-livenn drezañ. Etre div vellenn emañ ar bladenn.
Plegoù al livenn-gein [kemmañ]
Pevar fleg a vez graet gant al livenn-gein :
- daou bleg war-zu ar brusk pe ar c'hof : pleg ar gouzoug ha pleg an dargreiz
- daou bleg war-zu ar c'hein : pleg ar brusk ha pleg al lestr
Plegoù kentañ a vez graet eus pleg ar brusk ha pleg al lestr peogwir int stummet er grouell. Eil plegoù a vez graet eus pleg ar gouzoug ha pleg an dargreiz abalamour ma tiorroont goude ar c'hanedigezh. Diorren a ra pleg ar gouzoug etre 3 ha 9 mizvezh oad pa c'hell ar babig derc'hel e benn sonn hag azezañ. Pleg an dargreiz a ziorro etre 12 ha 18 miz pa grog ar bugel da gerzhet.
