Guyenne

Guyenne a vez lavaret eus an dugelezh stag ouzh Bro-Saoz goude feuremglev Brétigny e 1360.

Guyenne (/ɡɥijɛn/ e galleg ha saozneg), pe Guiana (/ ɡiˈanɔ/ e gwaskoneg ) zo ur rannvro istorel dispis a-walc'h e mervent Bro-C'hall, tre e kornôg ar broioù okitanek. Alies e vez kaoz eus Proviñs Guyenne ha Gwaskogn.

Orin

Dont a ra an anv Guyenne eus an anv okitanek Guiana, a deu eus ar ger latin Aquitania. Koulskoude int deuet da vout daou dra disheñvel. Hag ouzhpenn eo deuet Guyenne da vezañ kemesket gant Gwaskogn.

Kentañ gwech a gaver roud eus dugelezh Guyenne a oa e feuremglev Pariz e 1229 a lakaas fin d'ar Groaziadeg albizat, met marteze e voe krouet gant ar feuremglev en-eeun, ha Bourdel e oa ar gêrbenn anezhi . E 1561 e teuas Guyenne da vezañ ur broviñs, hag enni Bordelais, Bazadais, Limousin, Périgord, Quercy, Rouergue, Agenais, Saintonge, hag Angoumois. Diskaret e voe evel an holl broviñsoù gall gant an Dispac'h gall pa voe krouet an departamantoù gall e 1790.

Guyenne en Europa an XIIIvet kantved.

Guyenne en istor

Ardamezioù Guyenne eo ivez re Akitania.

Istor kozh Guyenne eo hini rouantelezh ha dugelezh Akitania.