Gruffudd ap Rhydderch

Eus Wikipedia
Mont da : merdeiñ, klask

Gruffudd ap Rhydderch pe Gruffydd ap Rhydderch (marvet e 1055) a oa roue Gwent ha war un darn eus Morgannwg, e kreisteiz Kembre, en XIvet kantved. Diwezhatoc'h e voe roue Deheubarth ivez.
Mab e oa Gruffudd da Rhydderch ab Iestyn a oa bet gouest da vout mestr war Deheubarth adalek 1023 betek 1033.
Hag eñ roue war un darn eus Morgannwg, ne voe ket plijet pa deuas Gruffudd ap Llywelyn, a oa roue Gwynedd, da aloubiñ ar vro amezek-se, e 1044, ha da zistroadañ ar roue Hywel ab Edwin.
Mont a reas Gruffudd ap Rhydderch da gas anezhañ kuit er bloaz goude, ha kemer a reas kurunenn Deheubarth e 1045. A-hervez e oa ur roue galloudus, talañ a reas ouzh argadegoù an Daned, pe re Gruffydd ap Llywelyn.
E 1055 avat e voe lazhet gant Gruffydd ap Llywelyn a aloubas Deheubarth adarre.

E vab Caradog ap Gruffydd a glaskas ober evel e dad hag e dad-kozh ha teurel e grabanoù war Deheubarth, met lazhet e voe en Emgann Mynydd Carn.

Titloù rieg
En e raok 
Rhydderch ab Iestyn
Roue Morgannwg
1033–1055
War e lerc'h
Gruffudd ap Llywelyn
Kenroue Glywysing
(gant Hywel ab Owain ab Morgan Hen)

1033-1043
War e lerc'h
Enteuzet e Rouantelezh Morgannwg
Danvez roue Deheubarth
1033-1045
War e lerc'h
Anavezet da roue
En e raok 
Hywel ab Edwin
Roue Deheubarth
1045–1055
War e lerc'h
Gruffudd ap Llywelyn

Notennoù[kemmañ]

  • John Edward Lloyd (1911) A history of Wales from the earliest times to the Edwardian conquest (Longmans, Green & Co.)


Liammoù diavaez[kemmañ]