Giulio d'Este

Eus Wikipedia
Mont da : merdeiñ, klask

Giulio d'Este (1478-1561) a oa mab bastard da Ercole Iañ d'Este, dug Ferrara, ha da Isabella Arduino, dimezell a enor gant Eleonora di Napoli, pried Ercole. E vreur henañ Alfonso II d'Este a renas e Ferrara goude marv o zad e 1505. Hantervreudeur all en doa Giulio, met gant e hantervreur Ippolito d'Este, kardinal, ne oa ket evit en em ober tamm ebet.

Skrapadenn[kemmañ]

Etre ar vreudeur Este e savas tabut diwar-benn ur soner, Don Rainaldo. Hennezh a servije Giulio d'Este, bastard da Ercole Iañ, met fellout a rae d'ar c'hardinal Ippolito d'Este e gaout evit e chapel. Ippolito, war-dro dibenn 1504, a deuas da Ferrara abalamour ma oa manet klañv o zad, a skrapas Rainaldo hag a gasas anezhañ da Rocca del Gesso, ur c'hreñvlec'h a oa da Giovanni Boiardo, kont Scandiano. E miz Mae 1505 e ouias Giulio pelec'h e oa kuzhet an den hag a-gevret gant Ferrante ha tud armet ec'h eas da adkemer ar soner. Ippolito, a oa harp divrall e vreur henañ Alfonso, an dug, ac'h eas da glemm ouzh Alfonso diwar-benn an taol-se hag Alfonso da harluiñ an daou vreur: Ferrante da gêr Modena ha Giulio da gêr Brescello.[1]

Pe Lucrezia, pe Isabella d'Este hag he fried Francesco II Gonzaga a deuas a-benn da lakaat Alfonso da bardoniñ e vreudeur.[1]


Irienn[kemmañ]

Iriennañ a reas Giulio d'Este gant e hantervreur Ferrante d'Este e 1506 a-enep o breur henañ, an dug Alfonso Iañ d'Este. Meur a wech e klaskjont e lazhañ, met kazeg a rejont bep taol. Diskuliet e voe an irienn gant o breur kardinal, Ippolito d'Este.

Bac'het e voe Ferrante war urzh e vreur Alfonso e 1506, ha chom a reas en toull betek e varv, 34 bloaz goude, da 63 bloaz. Gwech ebet ne deuas den d'e welout. Giulio avat a voe dieubet gant e niz Alfonso II d'Este goude 53 bloavezh er vac'h .

Notennoù[kemmañ]

  1. Fazi arroud : Balizenn <ref> direizh ; ne oa bet lakaet tamm testenn ebet evit ar valizenn sb