Frank Miller

Frank Miller e Comic-Con, 2008

Frank Miller (27 a viz Even 1957 en Olney, Maryland,Stadoù-Unanet) a zo un treser hag ur senaroour amerikan. Ul lodenn eus ar c'homics savet gantañ a zo bet lakaet da film.

E vuhez

Frank Miller a gasas e yaouankiz e Montpelier, er Vermont. Pa gogas da dresañ e teuas a-benn da lakaat embann e oberennoù gant embannerien vrudet evel Gold Key, DC Comics pe Marvel Comics. Merzet e voe de vat pa lakaas embann un istor e div lodenn e-barzh Spectacular Spider-Man. Neuze e voe lakaet da dresour Daredevil, ha goude-se e voe e karg eus ar senario ivez. Al lennerien koulz hag ar vurutellerien a voe plijet-bras gant e labour. Gantañ e voe krouet tudenn Elektra hag ul lodenn eus an elfennoù a grouas a gaver en-dro er film Daredevil (2003). Miller a savas 42 pennad eus Daredevil, hag ouzhpenn kemmañ an dudenn-se e lakaas holl ved ar c'homics da cheñch. E 1986 e labouras ivez war Elektra: Assassin gant Bill Sienkiewicz. Peurliesañ e vez lavaret e voe e barr e arz pa skrivas senario ar c'helc'hiad anvet Born Again(tresadennoù gant David Mazzucchelli) hag voe embannet e 1985.

Frank Miller e Comic-Con, 1982

Hiziv an deiz ez eo brudet dreist-holl a-drugarez d'e labour war Batman: The Dark Knight Returns hag an heuliad anvet Batman: The Dark Knight Strikes Again (DK2). Ennañ e kont istor Batman deuet da vezañ feulst, en un endro ken feulst all. Pellaet eo Miller diouzh skeudenn voutin ar gourharoz a zegas ar justis.

Ouzhpenn labourat war dudennoù brudetañ an tiez-embann comics en deus Miller krouet meur a zudenn evel Ronin, Martha Washington, Big Guy And Rusty The Boy Robot, Hard Boiled, Sin City ha 300 .

Frank Miller en deus skrivet senariooù evit ar sinema : Robocop 2 ha Robocop 3. Asambles gant Robert Rodríguez en deus graet war-dro film Sin City e 2005.

E 2005 e reas war-dro an heuliad anvet All-Star Batman and Robin The Boy Wonder, embannet gant All-Star (ur skour eus DC Comics eo), treset gant Jim Lee.

E 2007 e stagas gant ar film The Spirit, diazezet war an dudenn krouet gant Will Eisner. Dont a reas ar film er-maez e dibenn 2008 e Frañs.

Arz Frank Miller

Peurliesañ e lavarer e voe Daredevil Frank Miller evel ur c'hammed bras e bed ar c'homics, dreist-holl a-drugarez d'ar senario : nevesaet e voe ar c'homic-se dre ouzhpennañ tudennoù nevez, ha dre chom a-sav gant an istor karantez etre Daredevil ha The Black Widow hag a oa bet danvez pennañ istorioù Daredevil er bloavezhioù 1970. Ouzhpenn da se e voe pouezus ivez doare tresañ Miller : buan e pellaas diouzh doare tresañ hengounel : finoc'h e voe e zoare da dresañ, ha kemmoù a zegasas a-fet aozañ ar pajennoù hag a-fet diskouez fiñvoù an tudennoù. Gwelout a reer e voe levezonet bras Miller gant ar manga. Meur a elfenn eus Japan a lakaas en e istorioù : ur sektenn ninja, armoù (sai) Elektra da skouer. Levezonet e voe Miller gant Lone Wolf and Cub gant Kazuo Koike ha Goseki Kojima, ha gwelet e vez alies e heuliad Ronin evel un doare da enoriñ an heuliad japanat-se. Pa voe embannet Lone Wolf & Cub er Stadoù-Unanet e voe treset ar goloioù gant Miller. Gant Sin City e tiskouezas ivez pegen barrek e oa a-fet mestroniañ an tresañ e gwenn ha du, hag ivez al livioù pennañ : melen, glas ha ruz a voe implijet gantañ, pep liv o vezañ implijet en ul lodenn nemetken. Evit Sin City e resevas Miller pevar Will Eisner Award hag ivez priz an tresañ gwellañ/livañ gwellañ e 1993, hag ivez priz ar gwellañ tresour/senaroour.

Frank Miller hag ar politikerezh

Frank Miller en deus embannet a-viskoazh e oa dedennet gant an armoù-tan, ar feulster hag ar surentez. Stank e voe al lennerien a gavas dezho e oa elefennoù gouennelour e-barzh 300, dre ma tiskouez Miller ar Bersed evel tud n'o deus tamm sevenadur ha tamm enor ebet. Ar memes evezhiadennoù a voe diwar-benn ar film.
D'an 9 a viz Meurzh 2006 ec'h embannas Frank Miller e save a-du gant politikerezh ar virourien mod nevez. Kement-se a embannas e-pad un abadenn war ar chadenn skingomz amerikan NPR (National Public Radio). An atersadenn a c'haller klevout war al lec'hienn Little Green Football [1] hag adskrivet eo bet war The Atlasphere [2].

Oberennoù Frank Miller

• 300
• Aargh
• Adventures of Superboy
• Amazing Heroes
• Anything Goes
• Archer and Armstrong
• Bad Boy
• Batman and Robin, The Boy Wonder
• Batman : Black and White
• The Batman Gallery
• Batman: The Dark Knight Returns
• Batman : DK2 - The Dark Knight Strikes Again
• Batman and The Outsiders
• Complete Frank Miller Batman
• Big Guy and Rusty the Boy Robot
• Bizarre Adventures
• Bone
• Captain America
• The Cat
• Christmas With The Super-Heroes
• Comics Feature
• Comics Journal
• Daredevil :
• Daredevil : The Man Without Fear *
• Daredevil : The Marvel Comics Index
• The Daredevil Chronicles
• Daredevil Visionaries
• Dark Horse Maverick
• Dark Horse Presents
• DC Spotlight
• Death Rattle
• A Decade of Dark Horse
• Destroyer Duck
• Doctor Strange
• Elektra Lives Again
• Elektra Saga :
• Elektra Assassin : The Lost Years *
• Eternal Warrior
• Fanboy
• Fantastic Four
• Feature
• Free Speeches
• Free Comic Book Day Comic
• Frank Miller Sketchbook
• GI Joe
• Great Comic Artist File : Frank Miller, A Work in Progress
• Happy Endings
• Harbinger
• Hard Boiled
• Heavy Metal
• Hero Illustrated
• Heroes
• Heroes For Hope
• Images of Omaha
• The Incredible Hulk
• The Jack Kirby Collector
• John Carter Warlord of Mars
• Just Another Saturday Night
• Kane
• Lone Wolf and Cub
• Machine Man
• Madman
• Magnus Robot Fighter
• Martha Washington : Give Me Liberty
• Martha Washington Goes To War
• Martha Washington Saves The World
• Martha Washington Stranded in Space
• Happy Birthday Martha Washington
• Marvel Cover Collection Portfolio
• Marvel Fanfare
• Marvel Premiere
• Marvel Spotlight
• Marvel Super-Heroes
• Marvel Team Up
• Marvel Two In One
• 'Mazing Man
• Medal of Honor
• Mefisto In Onyx
• The Micronauts
• Mickey Spillane's Mike Danger
• Monkeyman and O'Brien
• Moon Knight
• Ms Tree's Thrilling Detective Adventures
• 9-11 Artists Respond
• New Teen Titans
• Next Men
• The Official Handbook of the Marvel Universe
• Orion
• Out of the Vortex
• Overstreet's Fan
• Peter Parker, The Spectacular Spider Man
• Pretty Girl Sketchbook
• Power Man and Iron Fist
• Prophet
• RAI
• Frank Miller's Robocop :
• Robocop : Delta City (senario kentañ Robocop 2 ha Robocop 3) (comics)
• Robocop vs. Terminator
• ROM
• Ronin
• San Diego Comic Con
• Satan's Six
• Savage Dragon
• The Sensational She-Hulk
• Shadowman
• Sin City : Booze, Broads and Bullets
• Sin City : A Dame To Kill For
• Sin City : Family Values
• Sin City : Hell and Back
• Sin City : Just Another Saturday Night
• Sin City: Silent Night
• Sin City : That Yellow Bastard
• Sin City: The Babe Wore Red and other stories
• Sin City : The Big Fat Kill
• Sin City : The Hard Goodbye
• Solar, Man of the Atom
• Marvel Spotlight
• Spawn
• Spawn/Batman
• The Sensational Spider-Man
• Spider-Man and Daredevil
• Complete Frank Miller Spider-Man
• Spider-Woman
• The Spirit
• Spirit Magazine Takes you to Spirit Jam
• StarSlammers
• Star Trek
• Supergirl
• The Superman Gallery
• Superman and Batman : World's Finest
• Superman : The Secret Years
• Super Star Holiday Special
• Tales to Offend
• Tomb of Dracula
• The Twilight Zone
• Unknown Soldier
• Unity
• Weird War Tales
• What if
• Whiteout
• Wizard
• Wolverine
• Wonder Woman
• X-Men
• X-O Manowar

Sinema

Evel senaroour

• 1990 : Robocop 2 gant Irvin Kershner
• 1993 : Robocop 3 gant Fred Dekker
• 1998 : Batman (The New Batman Adventures) (fiñvtresadennoù, 1997), diwar Dark Knight
• 2005 : Elektra gant Rob Bowman
• 2005 : Sin City gant Robert Rodriguez ha Frank Miller
• 2008 : The Spirit gant Frank Miller
• 2010 : Sin City 2 gant Robert Rodriguez ha Frank Miller

Evel filmaozour

• 2005 : Sin City, kensavet gant Robert Rodriguez ha gant sikour Quentin Tarantino
• 2008 : The Spirit
• [2010]] : Sin City 2, kensavet gant Robert Rodriguez

Evel produour

• 2005 : Sin City de Robert Rodriguez ha Frank Miller
• 2007 : 300 gant Zack Snyder
• 2010 : Sin City 2 gant Robert Rodriguez et Frank Miller

Evel aktour

• 1989 : Curfew gant Gary Winick
• 1990 : Robocop 2 gant Irvin Kershner
• 2003 : Daredevil gant Mark Steven Johnson
• 2005 : Sin City gant Robert Rodriguez ha Frank Miller

C'hoarioù video

• 1992 : RoboCop 3, diwar an tudennoù ijinet gant Frank Miller
• 1993 : RoboCop versus The Terminator, diwar an heuliad comics