Franche-Comté (proviñs)

Eus Wikipedia
Mont da : merdeiñ, klask
Dugelezh ha Kontelezh Bourgogn er XIVvet kantved

Franche-Comté (Fraintche-Comtè e parlant Franc-Comtois; Franche-Comtât en arpitaneg) pe "Kontelezh frank" Bourgogn evel ma veze anvet gwechall, dre ma oa distag diouzh Dugelezh Bourgogn, zo ur broviñs c'hall kozh, staget ouzh ar Rouantelezh c'hall e 1678, a zo deuet da vout ur rannvro c'hall, anvet Franche-Comté ivez. Klotañ a ra bevennoù ar rannvro zo bremañ gant re ar broviñs kozh, war-bouez an Territoire de Belfort a oa en Elzas stagidigezh ar vro-se ouzh Alamagn e 1871, hag a zo bet lakaet e rannvro Franche-Comté. Dre m'eo chomet stabil bevennoù ar broviñs e-pad pell ez eus chomet un identelezh kreñv a-walc'h gant an dud eno.

Stok eo Franche-Comté ouzh Suis, er reter, hag ouzh Elzas en hanternoz.

Istor[kemmañ]

Franche-Comté ha douaroù all an Habsbourged e 1547

A-raok tremen dindan ren ar Romaned e oa annezet ar vro gant pobl c'halian ar Sequani. Goude diskar an Impalaeriezh roman e voe aloubet gant ar Vurgonded da gentañ, ha gant ar Franked e 534.

Goude marv Karl Veur e tremenas a-bep-eil, hag a-hed ar c'hantvedoù, eus an Impalaeriezh Santel Roman da Rouantelezh Bro-C'hall pe da Zugelezh Bourgogn. Er XVIIvet kantved e voe aloubet gant ar C'hallaoued e-pad ar Brezel Tregont Vloaz. War-dro an div drederenn eus annezidi Franche-Comté a voe lazhet e-pad ar brezel-se[1]. Dre feur-emglev Nijmegen, e 1678, e voe staget Franche-Comté da vat ouzh Rouantelezh Bro-C'hall.

Notennoù[kemmañ]

  1. Guy J. Michel, L'Histoire de la Franche-Comté V, 1978, Éditions Mars et Mercure Wettolsheim, p.123

Lennadurezh[kemmañ]