Foy (santez)

Merzherinti Sainte Foy.

Sainte Foy (Sancta Fides e latin) zo anv ur santez c'halian, eus kêr Agen, e Galia, war-dro dibenn an IIIde kantved.

Merzherinti

"Gwerc'hez ha merzherez" eo hervez an Iliz. Nac'h a reas dianzav he feiz kristen dirak lez-varn ar prokonsul roman, Dakian, er bloavezh 303, en amzer an impalaer Maksimian, ur marevezh heskinerezh relijiel.

Poazhet e voe war ur gwele arem ha dibennet, p'edo en he zrizek vloaz. Ganti e varvas he c'hoar Alberta, sant Caprais, ha tud all eus kêr.

Brud

Ne oa ket gwall anavezet e-maez an tolead betek an deiz ma teuas ar manac'h Avariscius, eus Conques e Rouergue, da laerezh relegoù Santez Foy, evit o c'has d'e abati, da sachañ pirc'hirined di. Dek vloaz e vije bet o chom e kêr Agen, hag o c'hortoz ken na gavje an tu da ober e laeroñsi.

Brudet eo ar santez er broioù spagnolek evel Santa Fe.

Gwirionded

Hervez istorourien zo ne vije ket bet anezhi, ha treuzkomprenet eo bet ar gerioù latin.

Anv-lec'h

• Gwelout Sainte-Foy.

Boest relegoù ar santez, eus an IXvet kantved, e Conques.

Yezhoù all

• Feiz, e brezhoneg, met n'eus roud ebet eus anv ar santez er yezh-mañ;
• Faith e saozneg, anv-badez
• Fe e spagnoleg, Fé e portugaleg
• Fede en italianeg.

Lennegezh

• Cançó de Santa Fe, barzhonek katalanek.

Skeudennoù

• 
• 
• 

  Hentoù pirc'hirined Sant Jakez