Football Club Lorient-Bretagne Sud

Savet eo ar pennad-mañ diwar labour bet graet gant skolidi. Sikourit da wellaat an danvez, mar plij ganeoc'h.

Football Club Lorient-Bretagne Sud

Kêr	An Oriant
Bro	Breizh
Krouet e	1926
Stad  - Digoret e  - Niver a blasoù	Stad ar Voustoer 1959 18.500
Marevezhioù  - Lig 1  - Lig 2  - Nasional	3 25 7
Gounezet	1 Kib Frañs
Prezidant	Loic Fery
Gourdoner	Kristen Gourcuff
Er gêr	Er-maez
http://www.fclweb.fr

Football Club Lorient-Bretagne Sud (Klub Football an Oriant-Kreisteiz Breizh) a zo ur c'hleub mell-droad eus kêr an Oriant e Breizh hag a c'hoari e kevezadegoù Kevre Frañs ar Football. Football Klub an Oriant a zo bet ganet e 1926. Savet e oa bet ar c'hleub e penn kentañ evit divuziñ ar besketaerion hag àr-lerc'h 40 vloaz e oa daet da vout an FCL ur c'hlub a vicher. Ar Merluzed eo o lesanv.

Istor

Krouidigezh ar skipailh

E 1925 e teuas ar soñj d'an Itron Cuissard, merourez ur stal kokanier àr porzh An Oriant, sevel ur skipailh mell-droad evit divuziñ ar besketaerion. Anvet e voe ar c'hlub « Ar Morad Sportel ». Ur blez goude (e 1926) e kemm an anv da: « Football Klub An Oriant ». Krouidigezh gwir ar skipailh eo. Àr-lerc'h bout bet tremenet karour e c'hell ar c'hlub c'hoari kampionad Breizh. E-korf tri blez e erruont er c'hentañ rann. E 1932 hag e 1936 e erruont er c'hentañ plas. Met tri blez goude e teu an eil brezel hag ar bombezennoù àr An Oriant. Distrujet eo kêr An Oriant, met ur bagad c'hoarier a gendalc'h da c'hoari evit o flijadur. A-drugarez d'an dud–se e kendalc'h an FCL goude ar brezel. Sikouret eo ar c'hoarierion get donedigezh Antoine Cuissard, mab-bihan an Itron Cuissard. Ur c'hoarier a vicher ag an A.S.S.E (klub Sant-Stevan) ha skipailh Bro-C'hall, daet da adlakaat skipailh e vamm-gozh àr an hent mat. Krapat a ra ar c'hlub rannadoù dre rannadoù hag e 1948 emañ an FCL evit ar wech kentañ ag e istor e "Kampionad Karour Bro-Frañs"(CFA hiriv an deiz).

1967-1995

E 1967 emañ lakaet e pleustr ur c'hleub a vicher get an Aotrou Tomine hag Aotrou Fougères (Prezidanted ar c'hlub). E-pad dek vlez e chom an FCL en eil rann Bro C'hall (D2), met e 1977 e kouezh ar c'hlub en D3 en ur roiñ an dilez. E pemp blez e erru an FCL e DSR (Seizhvet rann) da lâret eo o deus diskennet ur rann bep blez. Georges Guénoum a gemer en-dro aferioù ar c'hlub hag ar presidentelezh. Adsevel a ra ur strollad teknikel hag ur skipailh prest da vont àr raok. Ar perzh a erru, dre ma krap ar skipailh kement a rannoù kollet get ar c'hlub pemp blez a-raok. E-korf c'hwec'h vlez e adkav ar c'hlub an D2 e 1985. Un taol-dreist eo. Met n'eo ket graet gete an diaesañ dre ma ra ar skipailh ur "krap-diskenn" e-pad dek vlez etre an D3 hag an D2. Ret e voe gortoz 1995 evit gwelet an FCL chom e D2 e-pad daou vlez.

1998-2006

E 1998 e vez gwelet kentañ krapadenn An Oriant er c'hentañ rann. Met diaes eo an traoù evit ur c'hleub bihan, get ur budjed bihan ha get c'hoarierion tost dianavet, da chom e kreiz skipailhoù ken kreñv. Ar blez goude e vez adkavet, neuze, an FCL e D2. A-drugarez da Kristen Gourcuff, ar gourdoner, e adkav ar skipailh en-dro ar c'hentañ renk Bro-C'hall e 2001. Gounezet a vez get ar c'hlub "kip Bro-C'hall" e 2002 a-raok diskenn en-dro e D2. Goude pemp blez purgator, e adkavont c'hoarierion an FCL kentañ renk bro C'hall e 2006.

2006-2...

Pal pennañ ar skipailh ur wech adpignet er renk kentañ a oa chom enni. Kroget eo mat an traoù evit ar c'hoarierion. Gounezet eo bet gete o c'hrogad kentañ e Pariz a enep ar PSG (Klub ar c'hêr). Lañset eo an traoù. E-kerzh ar prantad c'hoari e vez trec'h Football klub An Oriant àr skipailhoù bras èl An Naoned pe Masillia. A-drugarez d'an disoc'hoù-mañ e chom skipailh An Oriant e rann kentañ evit ar maread 2007/2008. E 2007, pal ar skipailh, a zo chom e-kreiz skipailhoù brasañ Frañs. Ar perzh a vez graet en un doare fiskal. Gounezid a reont krogadoù a enep Monaco, ar PSG ha skipailh Lyon. E fin ar c'houlz matchoù e vez lec'hiet an FKAO d'an dekvet plas. E fin ar c'houlz 2008/2009 e vez gouarnet an dekvet plas get ar c'hlub. Ur c'houlz mat eo bet evit c'hoarierion Kristen Gourcuff dre mard ro bet tizhet ar 45 poent àr-lerc'h 38 match. Hiriv an deiz e teu da vout Football Klub An Oriant ur skipailh a-bouez er rummad kentañ. Koupabl eo ar skipailh gounid a enep skipailhoù bras, da skouer an trec'h àr ar PSG 3-0 e Paris.

Gwisk

• Gwisk 1: Roched krez orañjez (tango) get linennoù du ha gwenn, bragoù du ha loeroù gwenn.
• Gwisk 2: Roched gwenn get tammoù krez orañjez ha du, bragoù gwenn ha du ha loeroù orañjez.
• Gwisk 3: Roched du get linennoù krez orañjez ha gwenn, bragoù du ha loeroù du.

Stad Yves Allainmat

E 1924 e vez savet park ar sportoù e kêr An Oriant. Tout ar c'hevredigezhioù sportel a implij anezhañ a-raok ar brezel. Etre 1940 ha 1945 e servij ar stad da renkiñ obuzioù an Alamaned. Àr-lerc'h trubuilhoù ar brezel e vez adsavet ar park. Ret eo gortoz 1959 evit gwelet savidigezh an tribun kentañ ha kemm an anv da Stad Yves Alamat. E 1959 e gont Stad Yves Allainamat, anvet ivez Stad ar Voustoer, 6000 plas. A drugarez d'ar grapadenn kentañ er rann uhelañ e vez brasaet ar stad betek kaout ur 16 000 plas bennak. Hiriv an deiz eo bet krapet an niver a blasoù da 18 500. A-lies e vez implijet stad ar Vostoer get Emvod ar gelted evit an noziadoù burzhudus hag evit Kampionad ar bagadoù.

Gounidoù

Kib Frañs

• Aet ar maout get an FKAO ur wech, e 2002

Kampionad Frañs an eil rummad

• Erruet eo skipailh An Oriant div wech d'an eil plas e 1998 ha 2001

Kib ar c'hevredad

• Aet eo an FKAO betek ar gourfann e 2002

Ar c'hoarierion brudet

C'hoarierion An Oriant a zo bet gwelet hiriv an deiz èl c'hoarierion a-feson. Mar anezhe a zo tremenet en F.K.A.O, hiriv an deiz e c'hoariont er skipailhoù brasañ. En o mesk e vez kavet Fabrice Abriel (laosket en deus ur soñj vat d'ar (suporterien) àr-lerc'h tri frantad c'hoari), Bakary Koné ( Kip ar c'hoarier gwellañ an eil rummad a oa aet getañ hag anvet a oa bet gwellañ merker e 2005) ha Karim Ziani ( Kip ar c'hoarier gwellañ an eil rummad a oa aet getañ e 2006) e Klub Masillia. Seydou Keita a zo tremenet en FKAO etre 2000 ha 2002. Hiriv an deiz emañ ar c'hoarier Malian e klub Barselona. Mikael Ciani ag ar c'hoari ar blez mañ get skipailh Bourdel ha get ar skipailh etrevroadel Frañs. A zo tremenet en Oriant etre 2007 ha 2009. Ar blez mañ e vez kavet c'hoarierion ag a zo anavet bras e bed ar mell-droad èl Olier Monterrubio, Kevin Gameiro, Marama Vahirua, Fabien Audard, Laurent Koscielny, Sigammary Diarra …

• Kristen Gourcuff
• Pascal Bedrossian
• Marlet Steve
• Gignac André-Pierre
• Boutruche Marc
• Ewolo Oscar
• Ali Bouafia
• Jean-Claude Darcheville
• Malik Diop
• Pascal Feindouno
• Christian Gourcuff
• Josilin Gourvenneg
• Seydou Keïta
• Baky Koné
• Éli Kroupi
• Stéphane Le Garrec
• Ulrich Le Pen
• Christophe Le Roux
• Didier Le Tallec
• Patrice Loko
• Stéphane Pédron
• Alfredo Ramon Ramirez
• Karim Ziani

Skipailh ar maread 2009/2010

Gouarnerion

Frañs 1 Lionel Cappone Frañs 16 Fabien Audard

Frañs 30 Alban Joinel

Difennourion

Arc'hantina 2 Franco Sebastian Sosa Frañs 4 Laurent Koscielny Frañs 5 Benjamin Genton Kanaky 5 Wesley Lautoa Frañs 14 Arnaud Le Lan Frañs 15 Jeremy Morel

Frañs 17 Maxime Baca Frañs 21 Namaie Mendy Frañs 26 Grégory Bourillon Frañs 29 Sylvain Marchal Frañs 33 Guillaume Gégousse

Kreizourion

Arc'hantina 6 Gabriel Peñalba Frañs 7 Arnold Mvuemba Frañs 8 Yann Jouffre Frañs 10 Olier Monterrubio Mali 11 Sigamary Diarra Frañs 18 Morgan Amalfitano Frañs 22 Maxime Barthelmé

Aljeria 23 Yazid Mansouri Frañs 24 Antoine Buron Zambia 25 Jonas Sakuwaha Frañs 28 Pierre Ducasse Frañs 32 Cheik Doucouré Kameroun 34 Arthur Tekendo-Bessala

Argaderion

Frañs 9 Kevin Gameiro Frañs 12 James Fanchone Arc'hantina 13 Sebastián Dubarbier

Frañs 19 Marama Vahirua Ginea 27 Yaya Diané Angola Givestin N'Suki

Gourdonerien

Kristen gourcuff

Ganet d'ar 5 a viz Ebrel 1955 e Ker Hañveg, Kristen Gourcuff a zo bet dedennet get ar mell-droad a-baoe e vugaleaj. Desavet e Douarnenez, Gourcuff en deus kroget get ar mell-droad e Treboul e 1966 d'an oad a 11 vlez. E 1972 e vo kuitet ar "Gas Ys Treboul" kentañ evit mont d'ar Stad Roazhon. Etre 1974 ha 1982 e tremenay Kristen Gourcuff en US Berne, en A.R. Gwengamp, en F.K. Rouan, en F.K. "La Chaux de-Fonds" ur c'hleub a vro Suis, àr-raok sinañ e Football Klub An Oriant. En Oriant e krogay Kristen Gourguff da vout gourdoner/c'hoarier. Chom a ray e kêr ar pemp porzh betek 1986. Sinet a vo getañ e Klub ar Mañs hag en F.K. Plabennec a-raok adkavout an F.K.A.O. etre 1991 ha 2001 e giz gourdonner . E 2002 e vo sinet getañ e Stad Roazhon, met skarzhet a vo àr-lerc'h un hanter maread. Mont ray d'ober un dro e vro Katar a-raok distroiñ en Oriant e 2003. Chomet eo adaoe. Sinet eo bet getañ betek 2014.

Gourdonerien kozh

• Daniel Carpentier
• Antoine Cuissard
• Georges Girot
• Bernard Goueffic
• Louis Hon
• Louis Lagadec
• Paul Le Bellec
• Michel Le Calloc'h
• Patrick Le Pollotec
• Josef Lokay
• Angel Marcos
• André Mori
• Emile Rummelhardt
• Jean Snella
• Alain Thiboult
• Jean Vincent
• Georges Vinsonneau

Prezidanted

• Jean-Maurice Besnard
• Noël Couedel
• Henri Ducassou
• Pierre Eveno
• Jules Glain
• Georges Guenoum
• André Jegouzo
• Louis Le Gallo
• Xavier Le Louarn
• Marcel Le Mentec
• Alain Le Roc'h
• Jean Tomine

Liamm diavaez

• FCLorient.net (e galleg)
• lec'hienn ofisiel (e galleg)