Fleüt
Eus Wikipedia
Ar fleüt (pe flutenn e brezhoneg ar sonerien a-vremañ) zo ur benveg-seniñ dre c'hwezhañ, anezhañ un duellenn (bet toullet e meur a lec'h peurliesañ), pe ur strobad tuellennoù (didoull ar c'horre anezho peurliesañ). Fleütal a ra ar sonerien fleüt, a reer fleüterien anezho.
[kemmañ] Ar fleütoù e bed ar sonerezh breizhek a-vremañ
- Ar fleüt-treuz koad a Iwerzhon. Deuet eo da vezañ an doare fleüt implijetañ hiziv an deiz er strolladoù fest-noz. E-leizh a fleüterien ampart a gaver e Breizh abaoe ar bloavezhioù 70, (Jean-Michel Veillon, etc.)
- An tin-whistle a Iwerzhon. Diouzh ar c'hiz e oa hemañ er bloazioù 70, pa oa ar pop-keltiek e en vog (Alan Stivell, Tri Yann, etc). Implijet e vez pell nebeutoc'h bremañ.
- Ar fleüt-treuz metal klasel. Implijet e vez gant ur strollad bennak (Gwendal, etc) met kalz nebeutoc'h evit ar fleüt-treuz koad.
- Ar low-whistle. Anezhañ un doare tin-whistle bet brasaet a-benn kaout ur son izeloc'h. Ur soner bennak a ra gant hemañ (Ronan Le bars da skouer).
[kemmañ] Istor ar fleüt
D'an 24 a viz Mezheven e oa bet dizoloet ur fleüt bet kizellet ouzhpenn 35 000 bloaz zo, en Alamagn : unan eus ar binvioù-seniñ koshañ er bed moarvat.
[kemmañ] Anv-tiegezh
An anv Fleouter zo deveret diwar fleüt.
