Feunteun Kastalia
Feunteun Kastalia (diwar anv an nimfenn Kastalia) a oa ur feunteun brudet er Menez Parnassos e-kichen Delfi, e Fokis, e Hellaz. En un draoniennig emañ, etre daou vri anvet ar Fedriadoù.
[kemmañ] Mojennoù
Diwallet e veze gant an euzhvil Piton a voe lazhet eno gant an doue Apollon, ha sakr e oa abalamour da se.
Hervez lod e save diwarni un aezhenn a roe gweledigezhioù da velegez Apollon, ar Pitia, e templ Delfi, ma c'halle gwelout ha diouganiñ an dazoned. Met mojennoù all a gomz eus doureier fresk ha glan. Dont a rae di da walc'hiñ o blev kenstriverien ar C'hoarioù Pitek ha dreist-holl ar re a deue da atersiñ orakl Delfi.
Feunteun ar Muzezed e oa, hag ar re a eve dour ar feunteun a zeue an awen dezho da varzhoniañ, hervez ar vrud. Di e teue barzhed roman da glask an awen sakr.
[kemmañ] Lec'hanvadurezh e SUA
- Castalian Springs , e Tennesse ,
- Castalia, Ohio, en Ohio.
