Fernando II Aragon
Ferdinant II Aragon, pe Ferdinant V Kastilha (Ferrando II en aragoneg, Fernando II e kastilhaneg; Ferran II en katalaneg), lesanvet Ferdinant ar C'hatolig, ganet d'an 10 a viz Meurzh 1452 e Sos del Rey Católico (Aragon) ha marvet d'an 23 a viz Genver 1516 e Madrigalejo, a oa :
- roue Aragon, roue Valencia, roue Mallorca, ha roue Sikilia, kont Barcelona, eus 1479 betek 1516 a-berzh e dad
- roue Kastilha ha León eus 1474 betek 1504 dre e eured
- kont Rousilhon ha kont Cerdanya adalek 1493 betek 1516
- Roue an Div Sikilia e 1504.
E vuhez [kemmañ]
Mab e oa d'ar roue Juan II Aragon (1398-1479) ha d'e eil pried Juana Enríquez (1425-1468). Da Fernando e tegouezhas madoù kurunenn Aragon goude marv e hantervreur Charlez, priñs Viana en 1461.
Dimeziñ [kemmañ]
E miz Here 1469 e timezas da Izabel Kastilha (1451-1504), merc'h d'ar roue Juan II Kastilha. En 1474 e teuas Izabel da vout rouanez. Ganti e renas Fernando ur brezel da zistroadañ he nizez Janed ar Beltraneja (1462-1530). Faezhet e voe ar Beltraneja en Emgann Toro en 1476.
Da varv Yann II en 1479 e savas war gador Kurunenn Aragon hag a-gevret e renas an daou roue goude ma chome disparti an div gurunenn .
Bugale [kemmañ]
Pemp bugel en doe gant Izabel:
- Izabel Kastilha hag Aragon (1470-1498), a zimezas div wech:
- e 1490, da 20 vloaz, da Afonso Portugal (1475-1491), infant Portugal, met mervel a reas ar priñs tri miz goude an eured en ur gwallzarvoud;
- en 1497, c'hwec'h vloaz goude, d'e genderv Roue Portugal, Manuel Iañ Portugal (1469-1521).
- Juan Aragon ha Kastilha (1478-1497), Priñs Asturiez,
- dimezet da Marc'harid Aostria, merc'h da Masimilian Iañ Habsburg; marvet da 19 vloaz gant an droug-skevent;
- Juana de Castilla, pe Janed ar Follez, hêrez rouantelezhioù Kastilha da gentañ, hag Aragon goude,
- dimezet da Fulup Habsburg, ha mamm Carlos Iañ Spagn
- Maria Aragon, eil pried, goude he c'hoar Izabel, da Roue Portugal Manuel Iañ.
- Catalina de Aragón y Castilla, a zimezas div wech:
- da Arthur Tudor, a oa da vout roue Bro-Saoz,
- ha goude d'e vreur, ar roue Herri VIII, hag a voe mamm Mari Iañ Bro-Saoz, rouanez war-lerc'h he zad.
Pa intañvas ec'h addimezas da Germaine de Foix
