Felice della Rovere

Felice della Rovere (en traoñ, en dorn kleiz, a-gostez, e du) a vije bet poltredet gant Raffaello en e daolenn An Oferenn e Bolsena, hervez Caroline Murphy

Felice della Rovere, anavezet ivez evel Madonna Felice (1483 - Roma, 27 a viz Gwengolo 1536), a oa merc'h bastard da Giuliano della Rovere, anavezet ivez evel ar pab Jul II (1503-1513) ha d'e bried-kleiz Lucrezia Normanni.

Implij a reas galloud he zad evit kadarnaat he galloud-hi e Roma, ober un dimeziñ a bouez gant Gian Giordano Orsini, ha kemer perzh er politikerezh e lez ar pab. Ganti e voe kaset en-dro an divizoù evit ober ar peoc'h etre Bro-C'hall hag he zad Jul II.

Lennadurezh

• Murphy, Caroline P. 2005. The Pope's Daughter: The Extraordinary Life of Felice Della Rovere. Oxford University Press. ISBN 0-19-518268-5.
• Williams, George L. 2004. Papal Genealogy: The Families and Descendants of the Popes. McFarland. ISBN 0-7864-2071-5.

Pennad kar

• Lucrezia Borgia