Erispoe
 | |
| Roue Breizh | |
| Ren | 7 a viz Meurzh 851 miz Du 857 |
|---|---|
| A-raok | Nevenoe |
| Goude | Salaun |
| Buhez | |
| Ganet | IXvet kantved Breizh |
| Marvet | miz Du 857 Talenseg, Breizh |
| Tad | Nevenoe Roue pe Dug Breizh |
| Mamm | Arc'hantael (?) |
| Priedoù | Marmoheg |
| Diskennidi | Konan Merc'h dizanv |
| Relijion | Kristen |
Erispoe zo bet roue (pe ri) ar Vretoned etre 851 ha 857. Hervez ar pezh a ouzomp eo ar roue kentañ bet anzavet gant ar Franked.
Nevenoe e oa e dad ha Marmoheg e oa e bried. Daou vugel en deus bet da vihanañ, ur verc’h ha n’ouzomp ket hec’h anv, hag ur mab anvet Konan.
Brezel[kemmañ | kemmañ ar vammenn]
Anavezet eo dreist-holl abalamour d'ar brezel a renas a-enep Karl Voal. E penn armeoù ar Vretoned e oa Erispoe pa voe faezhet an Impalaer frank ur wech c’hoazh e-kerzh Emgann Jengland, war ribl kleiz ar Gwilun, d’an 22 a viz Eost 851.
Tri devezh e oa padet an emgann. Kontet e oa bet gant Reginon eus Prüm. Evit an eil gwech e oa bet roet lamm d’ar roue frank. Un teknik dibar he doa an arme vrezhon : argadoù trumm gant armoù-bann kent ober van da souzañ en dizurzh.
Ar peoc’h a oa bet klozet dre Feur-emglev Anjev e 851, ma oa bet anzavet ar rouantelezh vreton gant ar roue frank. Erispoe en doa ar memes galloudegezh hag e dad war Breizh. Homañ a oa bet ledanaet gant Bro-Roazhon, Bro-Naoned ha Bro-Raez.
Espar e oa un tamm. Ul lodenn emren d’an impalaeriezh a oa er c'huzh-heol.
Meur a wech voe bet aloubet Breizh gant ar Vikinged e-pad ren Erispoe. E 853 e oa bet gwastet Naoned ganto.
Drouklazhet e voe gant e genderv Salaun, etre an 2 a viz Du hag an 12 a viz Du 857, en iliz Talenseg.
Levrlennadur[kemmañ | kemmañ ar vammenn]
- (fr) Jean-Christophe Cassard, Les Bretons de Nominoë, Presses universitaires de Rennes, 2002
- (fr) Des mégalithes aux cathédrales, Histoire de la Bretagne et des pays celtiques, tome 1, Skol–Vreizh, Montroulez, 1983
- (fr) Louis Élégoët, Bretagne – Une histoire, CRDP de Bretagne, 1998.
| En e raok: Nevenoe |
Roue Breizh |
War e lerc'h: Salaun |