Endavant

Eus Wikipedia
Mont da : merdeiñ, klask
Manifestadeg d'an 11 a viz Gwengolo 2005

Endavant (Organització Socialista d'Alliberament Nacional) ("War-raok - Aozadur Sokialour evit an Disualded Broadel") a zo un aozadur broadelour ha sokialour krouet e miz Mezheven 2000 hag a stourm evit dishualded Katalonia dre glask lakaat e pleustr ur startegiezh diazezet war an Unvaniezh Poblel gant aozadurioù all eus an tu-kleiz disrannour.

Embann a ra ar gelaouenn Tanyada ("Egin").

Labourat a ra dreist-holl gant luskadoù sokial ha gant aozadurioù all eus an tu-kleiz katalanek. Sevel a reas e vouezh a-enep da Vonreizh Europa da geñver ar boblvouezhiadeg e 2005 evit abegoù o tennañ da wirioù broadel Katalonia hag ivez d'an nevez-frankizouriezh.

Er mouezhiadegoù e vez labouret gant Endavant evit Listennoù an Unvaniezh Poblel (CUP, Candidatura d'Unitat Popular).

Da geñver ar boblvouezhiadeg dalc'het e 2006 e savas a-enep d'ar raktres evit adwelet Statudoù Emrenerezh Kumuniezhioù Emren Katalonia Valensia hag an Inizi Balear dre ma kendalc'he gant ar sistem kent hep anavezout gwirioù broadel Katalonia hervezañ.

Liammoù diavaez[kemmañ]