Elektra: Assassin
| Aozer | Frank Miller, Bill Sienkiewicz  |
|---|---|
| Bro orin | Stadoù-Unanet |
| Yezh an oberenn pe an anv | saozneg |
Elektra: Assassin a zo titl un heuliad comics berr (8 levrenn) hag a voe a-bouez bras en istor ar c'homics. Embannet e voe gant Epic Comics, ur skourr eus Marvel Comics, etre 1986 ha 1987. Ar senbario a zo bet skrivet gant Frank Miller hag an tresadennoù savet gant Bill Sienkiewicz.
Krouerien[kemmañ | kemmañ ar vammenn]
Frank Miller ha Bill Sienkiewicz a oa e barr o brud e-touez al lennerien comics pa voe embannet Elektra:Assassin. Degemeret mat-tre e voe an heuliad gant al lennerien, dres d'ar mare ma teuas ivez Batman: The Dark Knight Returns er-maez.
En heuliad ec'h implijas Sienkiewicz doareoù skeudenniñ ne oant ket bet implijet betek-henn : dourlivañ ha pegadennoù da skouer.
Renkadur[kemmañ | kemmañ ar vammenn]
Ne glote ket senario Miller gant reolennoù "comic book code". Setu perak ne voe ket embannet gant Marvel Comics, met gant Epic Comics, un ti-embann hag a lakae embann levrioù ne zerent ket ouzh ar vugale. Ne voe ket gwerzhet Elektra:Assassin er stalioù kazetennoù, met e stalioù bannoù-treset nemetken.
Senario[kemmañ | kemmañ ar vammenn]
Kregiñ a ra an traoù e Suamerika, eno emañ Elektra en un ti evit ar re sot hag e klask kavout he memor en-dro. Diaes eo al levrenn gentañ da lenn, dre ma'z eo ken mesk-divesk an istor ha memor Elektra. Soñjal a re edarvoudoù kozh evel marv he mamm, an taolioù a bakas gant he zad (ne ouezer ket ha gwir eo pe get) hjag e re nevesoc'h, evel muntroù he deus kaset da benn. Dizoloiñ a reer ivez ez eus eus The Beast, hag a redi an dud da zoujañ d'e urzhioù dre lakaat anezho da evañ e laezh. Er penn-kentañ ne ouezer ket re pe bal en deus The Beast, ha goude-se e komprener ez eo mennet da aozañ ur brezel nukleel. Goude bezañ c'hwitet e ra war-dro kabal-prezidant Ken Wind. Ur wech dilennet e klask hemañ aozañ ur brezel nukleel a-enep da Rusia. Dont a ra a-benn Elektra da guitaat ti ar re sot dre douellañ Garrett, hag a labour evit S.H.I.E.L.D.. Neuze e krog Garrett da glask we he lerc'h met ne zeu ket a-benn da bakout anezhi. Elektra a laka ur savadur, ennañ Garrett, da darzhañ, ha distrujet eo Garrett. Skiantourien eus rann eus S.H.I.E.L.D. a adsav Garrett dindan stumm ur robot, ha stagañ a reont e benn gwir ouzh ar robot. Kenderc'hel a ra da glask war-lerc'h Elektra, met merzout a ra e vo dibosupl dezhañ tapout anezhi.