Edvaldo Izídio Neto
Edvaldo Izídio Neto (pell anavezetoc'h evel Vavá), bet ganet d'an 12 a viz Du 1934 e Recife (Pernambuco, Brazil) hag aet da Anaon d'an 19 a viz Genver 2002 e Rio de Janeiro (Brazil), a oa ur melldroader etrebroadel brazilian, aet da c'hourdoner da-heul e amzer c'hoarier.
Estreget Vavá e veze graet Leão da Copa ha Peito de aço (Bruched dir e brezhoneg) anezhañ ivez.
Kib vell-droad ar bed[kemmañ | kemmañ ar vammenn]
Argader e bost dezhañ war an dachenn, kemeret en devoa perzh Vavá e daou zalc'h :
- Kib vell-droad ar bed 1958 bet aozet e Sveden ma oa aet ar maout gant skipailh broadel Brazil evit ar wech kentañ. Perzh e oa eus ar skipailh – Gilmar - Djalma Santos, Bellini, Nílton Santos, Zito - Orlando Peçanha, Garrincha - Didi, Vavá, Pelé, Mário Zagallo – a c'hounezas (5-2) ar gourfenn ouzh hini Sveden e Råsunda fotbollsstadion (Solna) d'an 29 a viz Mezheven 1958,
- Kib vell-droad ar bed 1962 bet aozet e Chile : gant pevar fal ez eas da wellañ paler ar genstrivadeg-mañ (rampo gant Flórián Albert, Garrincha, Valentin Ivanov, Dražan Jerković ha Leonel Sánchez). D'ar c'hoarier brazilian Garrincha e voe deroet an trofe koulskoude. Perzh e oa eus ar skipailh – Gilmar - Djalma Santos, Mauro, Zózimo, Nílton Santos - Zito, Didi - Garrincha, Vavá, Amarildo, Zagallo – a c'hounezas (3-1) ar gourfenn ouzh hini Tchekoslovakia en Estadio Nacional de Chile (Santiago de Chile) d'ar 17 a viz Mezheven 1962.