Dyfrdwy

Porzh-houarn Llangollen dirak ar stêr Dyfrdwy

Ar pont war ar stêr Dyfrdwy e Caer.

Ar stêr Dyfrdwy zo ur stêr e hanternoz Kembre, anvet Dee e saozneg. Tremen a ra dre gontelezhioù Gwynedd, Sir Ddinbych ha Wrecsam e Kembre, a-raok mont war-du Bro-Saoz.

Eieniñ a ra en torgennoù a-us da Llanuwchllyn, e kontelezh kozh Sir Feirionnydd (e Gwynedd bremañ), treuziñ lenn Tegid, redek dre Rhaeadr y Bedol ha Llangollen, alese da Sir y Fflint a-hed harzoù Swydd Gaer e Bro-Saoz. Eus ar vro en-dro d'an aber e vez lavaret Glannau Dyfrdwy.

An anv

Dont a ra an anv 'Dyfrdwy' eus "dyfr y dduwies", da lavarout eo "dour an doueez". Un anv brezhonek kozh (predenek, eme tud zo) e vije.

Adstêrioù d'an Dyfrdwy

• Afon Alun
• Afon Alwen
• Afon Caletwr
• Afon Ceiriog
• Afon Ceirw
• Afon Clywedog
• Afon Gwenfro
• Afon Lliw
• Afon Tryweryn
• Afon Twrch

Kan

Ur c'han hengounel brudet zo anvet 'Ar lan Hen Afon Ddyfrdwy ddofn'.