Dimezioù etre paotred pe etre maouezed

Eus Wikipedia
Mont da : merdeiñ, klask
Manifestadeg evit ar gwir da zimeziñ d'an dud dezhe an hevelep rev, e kêr An Oriant, d'ar 14 a viz Kerzu 2012
Krennarded o vanifestiñ a-enep d'ar ar gwir da zimeziñ d'an dud dezhe an hevelep rev, e kêr An Oriant, d'ar 1 a viz Gouhere 2013

Abaoe 2001 ez eus bet degemeret gant 11 stad er bed dimeziñ tud gante an hevelep rev:

Ouzhpenn e vez anavezet an euredoù etre tud gante an hevelep reizh bet lidet e lec'h all gant Israel, Aruba hag an Antilhez Nederlandat.

E stadoù all, evel e Breizh-Veur pe Bro-C'hall, ez eus bet aozet unaniezhoù ha n'int ket dimezioù gwir.

E SUA[kemmañ]

Er Stadoù-Unanet n'eo bet anavezet ar gwir da dimeziñ d'an heñvelrevidi nemet en ur Stad, Massachusetts, dindan an anv "priedelezh" (saoz.: marriage).

E Breizh-Veur[kemmañ]

E Bro-Saoz e oa bet votet an Nullity of Marriage Act e 1971, a embann fraezh n'eus ket a zimeziñ pa vez tud eus ar memes reizh. E 2004 avat e oa bet votet ar C'hevread Keodedel civil partnership) er Rouantelezh Unanet o reiñ da goubladoù heñvelrevidi/ezed an hevelep deverioù ha gwirioù dimeziñ evit an aralrevidi/ezed met dindan un anv disheñvel diouzh "priedelezh".

Tud zo a gav souezhus o dije c'hoant an heñvelrevidi da gaout gwir da zimeziñ, pa 'z eo disteraet kalz pouez an dimeziñ abaoe ma'z eo koazhet pouez ar relijion.

Respontet e vez e fell dezho kaout ar memes gwirioù, ne vern o "zuadur reizhel".

Tud all a gav souezhus ne vije ket kalz heñvelrevidi o timeziñ pa vez roet ar gwir dezho.

Respontet e vez eo distabiloc'h dre vras ar c'houbladoù heñvelrevidi eget ar re all hag ez eo furoc'h diwall rak koust an torr-dimeziñ.

Bro-C'hall[kemmañ]

Ul lezenn zo bet mouezhiet e Breujoù Bro-C'hall e miz C'hwevrer 2013 hag a ro ar gwir da zimeziñ d'an heñvelrevidi.