Dhaka

Eus Wikipedia
Dhaka
Riez Bangladesh
Maer Sadeque Hossain Khoka
Bann Dhaka
Led 23° 42' 00" Norzh
Hed 90° 22' 30" Reter
Uhelder 60 m
Poblañs 6 737 774 (2007)
Stankter 43 797 a./km²

Dhaka (ঢাকা e bangla, distaget [ˈɖʱaka], a veze skrivet Dacca gwechall) eo kêr-benn Bangladesh ha brasañ kêr ar vro-hont, gant tremen 9 milion a annezidi (2001).

Emañ Dhaka e gevred Bangladesh, war lez ar stêr Buriganga, ur vrec'h d'ar Ganga. Ur porzh eo hag ur greizenn genwerzhel ha greantel a bouez. Ur skol-veur zo, savet e 1921.

Ur gêr gozh eo Dhaka, met ne grogas da vezañ ur gêr vras nemet er XVIIvet kantved, pa zeuas da vezañ kêr-benn rannvro Bengal en Impalaeriezh Voghol. Er XVIIIvet kantved e tremenas dindan veli Breizh-Veur. Pa voe krouet Pakistan e 1947 e voe lakaet da gêr-benn al lodenn reter eus ar vro (Reter Pakistan). Ha pa voe embannet dizalc'hidigezh Bangladesh diouzh Pakistan, e 1971, e teuas da vezañ kêr-benn ar vro nevez.

Doareoù ar vuhez[kemmañ | kemmañ ar vammenn]

Unan eus ar c'hêrioù fallañ eus ar bed eo evit doareoù ar vuhez, renket 139vet war 140 gant The Economist Intelligence Unit e 2015.

Skeudennoù[kemmañ | kemmañ ar vammenn]