Der Sieg des Glaubens

Eus Wikipedia
Mont da : merdeiñ, klask
Der Sieg des Glaubens
Filmdata
Titl orin : Der Sieg des Glaubens
Bro produiñ : Alamagn nazi
Deuet er-maez : 1añ a viz Kerzu 1933 en Alamagn nazi
Yezh orin : alamaneg
Padelezh (PAL-DVD) : 64 munutenn
Skigner : Universum Film AG
Pare
Filmaozer : Leni Riefenstahl
Produer : Leni Riefenstahl
Skrivagner : Leni Riefenstahl
Sonerezh : Herbert Windt
Rener al luc'hskeudenniñ : Sepp Allgeier
Franz Weihmayr
Walter Frentz
Richard Quaas
Paul Tesch
Frammer : Leni Riefenstahl
Waldemar Gaede
Aktourien

Adolf Hitler
Rudolf Hess
Hermann Göring
Julius Streicher
Joseph Goebbels
Ernst Röhm

Der Sieg des Glaubens (alamaneg a dalvez Trec'h ar feiz) a zo ur film propaganda nazi ha kentañ teulfilm Leni Riefenstahl. Sevenet eo bet e 1933. Dibabet e voe Riefenstahl da sevenerez daoust ma ne savas ket a-du pennoù nazi zo peogwir ne felle ket dezho e vefe savet ar film gant ur vaouez. Er film e tiskouez pempvet kendalc'h ar strollad nazi hag a voe aozet e Nürnberg etre an 30 a viz Eost hag an 3 a viz Gwengolo 1933.[1]

Senario[kemmañ]

Evel en he filmoù propaganda nazi all evel Tag der Freiheit: Unsere Wehrmacht ha Triumph des Willens e tiskouez Riefenstalh darvoudoù ar c'hendalc'h en urzh ma c'hoarvezjont. N'eus tamm mouezh off ebet, na skridoù da zisplegañ an traoù. E-touez ar pezh a ziskouez e kaver degemer kannaded estren, politikourien ha pennoù-bras nazi e ti-gar Nürnberg, Adolf Hitler oc'h en em gavout en aerborzh hag e emvod gant pennoù-bras nazi, dibunadegoù izili SA ha prezegenn Hitler da lidañ dekvet deiz-ha-bloaz krouidigezh NSDAP.[1]

Preservation status[kemmañ]

Er film e weler Ernst Röhm, hag eñ e penn Sturmabteilung. D'ar mare-se e oa an eil den galloudusañ er strollad nazi. Met e miz Even 1934 e voe aozet Nozvezh ar c'hontili hir, ma voe lazhet Röhm ha pennoù SA all diwar urzh Hitler. Divizet e voe neuze ma vefe diverket an holl roudoù anezhañ a oa bet, holl skouerennoù ar film en o zouez. Se zo kaoz e voe savet Triumph des Willens da gemer e lec'h. Anat pa seller ouzh an daou film rak perzhioù boutin a zo dezho, evel skeudennoù kêr Nürnberg. Dre vras e kaver ar meems doare da filmañ en daou film ivez. Ha Herbert Windt a adimplijas e "Triumph des Willens" ul lodenn vras eus ar sonerezh en doa krouet evit Der Sieg des Glaubens.

E miz Ebrel 1934 edo Riefenstahl er Rouantelezh-Unanet, ma tisplegas he doare da aozañ teulfilmoù e meur a skol-veur. D'ar mare-se e voe savet ur skouerenn eus ar film, ha marteze re all ivez. Adkavet e voe ouzhpenn 60 vloaz goude, ha soñjal a reer ez eo ar skouerenn neemti eus ar film a zo.

Notennoù[kemmañ]


Liamm diavaez[kemmañ]