Deira

Eus Wikipedia
Mont da : merdeiñ, klask


Deira
VIvet kantved – 679
Location of Rouantelezh Deira
Kêr-benn Not specified
Yezh(où) Hensaozneg
Gouarnamant Monarkiezh
Istor
 - Krouidigezh gant an Angled VIvet kantved
 - Staget ouzh Bernikia 679

Ur rouantelezh angl-ha-saoz en hanternoz Bro-Saoz e-pad ar VIvet kantved e oa Deira. En em astenn a rae eus an Humber betek an Tees hag eus ar mor betek ar Vale of York. Hervez Simeon of Durham ez ae betek an Tyne met gouez e oa ar vro goude an Tees. E gêrbenn gentañ a oa war-dro Pocklington moarvat, met dilec'hiet e voe da York goude aloubidigezh rouantelezh Ebrauc gant Edwin.

Anv ar rouantelezh a oa predenek e orin. Dont a ra eus Deifr (dour) pe Daru (derv). Talvezout a rafe "tud an Derwent".

Roue kentañ Deira a anavezer a oa Ælla met gwirheñvel e veve an angled er vro adalek ar marevezh roman. Hervez ar C'hronik Angl-ha-Saoz en-defe Ælla skrapet ar vro digant ar vrezhoned e 581 goude marv Peredyr Arueu Dur en un emgann a-enep tud Bernicia. Goude marv Ælla ez eas e rouantelezh da Æthelfrith, roue Bernicia a unvanas an div rouantelezh dindan anv Northumbria.

Adkrouet e voe rouantelezh Deira gant Edwin Northumbria. Aloubiñ a reas Bernikia buanik hag adkrouiñ Northumbria. Derc'hel a reas e benngêr e York, avat.

Daveoù[kemmañ]

  • Geake, Helen & Joanthan Kenny (eds.) (2000). Early Deira: Archaeological studies of the East Riding in the fourth to ninth centuries AD. Oxford: Oxbow. ISBN 1-900188-90-2
  • Higham, N.J. (1993). The Kingdom of Northumbria AD 350-1100. Stroud: Sutton. ISBN 0-86299-730-5