Death in June
| Death in June | |
|
|
|
Douglas Pierce
|
|
|
|
|
| Bro Orin | Rouantelezh Unanet |
|---|---|
| Doare(où) | Post-punk Sonerezh arnodiñ Neofolk |
| Bloavezhioù oberiant | 1981-bremañ |
| Label(ioù) | NER |
| Lec'hienn ofisiel | www.deathinjune.net/ |
|
|
|
| Izili | Douglas Pierce |
| Izili bet er strollad | Patrick Leagas Tony Wakeford David Tibet Boyd Rice John Murphy |
kemmañ  |
|
Death in June a zo ur strollad sonerezh-arnodiñ ha sonerezh neofolk breizhveuriat, bet krouet e 1981 gant Douglas Pearce, Patrick Leagas ha Tony Wakeford. A-raok krouidigezh Death in June e oa Pearce ha Wakeford izili ar strollad punk anvet Crisis, kemer a raent perzh e abadennoù Rock Against Racism (RAR), ha re aozet gant Anti-Nazi League (ANL). D'ar mare-se e oa ezel Wakeford eus SWP (Socialist Workers Party). E-kerzh sonadeg ziwezhañ ar strollad, bet aozet e Brest e miz Mae 2005 gant an ti-embann Steelwork Maschine, en deus embannet Douglas Pearce e vefe sonadeg ziwezhañ e strollad. D'an 8 a viz Gwengolo 2011 e voe embannet e vefe aozet un droiad sonadegoù da lidañ 30vet deiz-ha-bloaz krouidigezh ar strollad.
Taolenn |
Istor [kemmañ]
Patrick Leagas az eas ganto hag sambles e kroujont Death in June. Buan e tilezas ar strollad ar sonerezh punk, hag ec'h ouzpennas sonioù elektronek ha luskoù armeheñvel. War dachenn ar politikerezh e skrivas ar strollad (da skouer kanaouennoù evel Holy Water ha State Laughter, war o fladenn gentañ,The Guilty Have No Pride he zitl. Tony Wakeford a guitaas ar strollad e miz Genver 1984, goude ur sonadeg e Pariz. Patrick Leagas a reas kemend-all e miz Ebrel 1985, goude un droiad en Italia. Leagas a grouas ar strollad Sixth Comm, ha Tony Wakeford a grouas ar strollad Sol Invictus. Azalek ar mare-se e voe Pearce ezel nemetañ Death in June, ha sikouret e voe gant tud all. Levezonet voe ivez gant David Tibet, hag a-drugarez dezhañ e voe dedennet Pearce gant ar sonerezh folk. E-touez ar re a genlabouras gant Pearce emañ Forseti, Current 93, Boyd Rice, Rose McDowall, John Balance, Michael Cashmore, Simon Norris, pe c'hoazh James Mannox.
Levezonoù [kemmañ]
Douglas Pearce a anzav eo levezonet gant skridoù Friedrich Nietzsche, re Yukio Mishima ha re Jean Genet. Mojennoù Norzheuropa a zo ivez ul levezon bras evitañ. Dedennet eo ivez gant ar brezel, an darempredoù mignoniezh etre paotred (heñvelrezih eo Pearce), an unwiskoù. Evit a sell ouzh ar sonerezh e veneg strolladoù evel Love, The Byrds ha Joy Division.
Arouezioù hag orin an anv [kemmañ]
Abaoe m'eo bet krouet ar strollad en deus implijet an Totenkopf (penn marv) da arouez ar strollad. Skeudennoù an Eil Brezel Bed a gaver ivez alies e-barzh ar pladennoù. Meur a wech en deus displeget Pearce ne felle ket dezhañ broudañ torfedoù an nazied, met kentoch implijout un arouez kenedus. Rak dedennet-bras gant ar skeudennoù eo Pearce : kement pladenn savet gant Death in June a zo bet embannet en ur ziwall diouzh an doare ma'z eo kinniget. Embannadurioù ispisial a zo ivez, ar pezh a laka ar pladennoù da vezañ ker-ruz diouzh un tu, hag ar pezh a laka ivez ar re entanet gant ar strollad da soñjal o deus pladennoù dibar. Evit a sell ouzh orin anv ar strollad e soñjer alies e teu eus Nozvezh ar C'hontili Hir, hag c'hoarvezas e miz Even 1934. Hervez Pearce n'eo ket gwir, hag hervezañ ez eo digor da vat an anv, da lavaret eo c'hall forzh piv e zisplegañ evel ma kar. Kemend-se a laka ur bern tud da soñjal ez eo Death in June ur strollad nazi, faskour ha gouennelour. Er c'hontrol e lavar tud all n'eo ket gwir tamm ebet : arguziñ a reont en ur lavarout ez eo heñvelreizh Pearce, hag en deus bet tro da seniñ en Israel.
Troiad an 30 vloaz [kemmañ]
- 9 a viz Here 2011 : Moskva,
Rusia - 12 a viz Here 2011 : Helsinki,
Finland - 13 a viz Here 2011 : Vilnius,
Lituania - 15 a viz Here 2011 : Lisbon,
Portugal - 18 a viz Here 2011 : Barcelona,
Katalonia - 20 a viz Here 2011 : Roma,
Italia - 21 a viz Here 2011 : Waregem,
Belgia - 22 a viz Here 2011 : Eisleben,
Alamagn - 23 a viz Here 2011 : Copenhagen,
Danmark - 26 ha 27 a viz Here 2011 : Vienna,
Aostria - 28 a viz Here 2011 : Pavia, Italia
- 29 a viz Here 2011 : Zagreb,
Kroatia - 2 a viz Kerzu 2011 : Praha,
Tchekia - 3 a viz Kerzu 2011 : Oslo,
Norvegia - 4 a viz Kerzu 2011 : Helsinki, Finland
- 10 a viz Kerzu 2011 : Brest,
Breizh - 11 a viz Kerzu 2011 : Athena,
Gres - 15 a viz Kerzu 2011 : Varsovia,
Polonia - 16 a viz Kerzu 2011 : Dresden, Alamagn
- 17 a viz Kerzu 2011 : Milano, Italia
- 18 a viz Kerzu 2011 : Waregem, Belgia
- 23 a viz Kerzu 2011 : Londrez,
Bro-Saoz
Pladennaoueg [kemmañ]
| Bloavezh | Titl | Stumm | |
| 1981 | Heaven Street | 12" | |
| 1982 | State Laughter/Holy Water | 7" | |
| 1983 | The Guilty Have No Pride | LP | |
| 1984 | Burial | LP | |
| 1984 | She Said Destroy | 12"/7" | |
| 1985 | Nada! | LP | |
| 1985 | Born Again | 12" | |
| 1985 | Come Before Christ Et Murder Love | 12"/7" | |
| 1986 | The World That Summer | 2xLP | |
| 1986 | Lesson 1: Misanthropy | LP | |
| 1987 | To Drown A Rose | 10" | |
| 1987 | Brown Book | LP | |
| 1987 | Oh How We Laughed | Live LP/CD | |
| 1989 | 93 Dead Sunwheels | EP/CD | |
| 1989 | The Corn Years | CD | |
| 1990 | The Wall Of Sacrifice | LP/CD | |
| 1990 | 1888 | EP | |
| 1991 | The Cathedral Of Tears | CD | |
| 1992 | Ostenbraun | 2x kasedig/CD | |
| 1992 | But, What Ends When The Symbols Shatter? | LP/CD | |
| 1992 | Paradise Rising | 12"/CDS | |
| 1992 | Death In June/Current 93/Sol Invictus | CD | |
| 1993 | Cathedral Of Tears | 12"/CDS | |
| 1993 | Something Is Coming | 2xLP/2xCD | |
| 1994 | Sun Dogs | 7"/CDS | |
| 1995 | Rose Clouds Of Holocaust | LP/CD | |
| 1995 | Black Whole Of Love | CDS 7", 10", 12" box set | |
| 1995 | Death In June Presents: Occidental Martyr | 10" LP/CD | |
| 1996 | Death In June Presents: KAPO! | LP/CD | |
| 1997 | Die Schuldigen und der Nebel: The Guilty Have No Past/Night Et Fog | 2xCD box set | |
| 1997 | DISCriminate ('81-'97) | 2xCD | |
| 1998 | Take Care & Control | LP/CD | |
| 1998 | Kameradschaft | CDS | |
| 1998 | Passion! Power!! Purge!!! | CDS | |
| 1999 | Death In June/Der Blutharsch/Forseti/NON & Freunde - Der Tod Im Juni | CD | |
| 1999 | Heilige! | CD | |
| 2000 | Operation Hummingbird | LP/CD | |
| 2000 | Fire + Ice - We Said Destroy | 7" | |
| 2001 | All Pigs Must Die | LP/CD | |
| 2004 | Alarm Agents (as Death in June ha Boyd Rice) | LP/Coloured Vinyl | |
| 2004 | Alarm Agents (as Death in June et Boyd Rice) | CD (disheñvel diouzh ar bladenn LP) | |
| 2005 | Abandon Tracks | 2xLP/CD | |
| 2006 | Free Tibet | MP3 (digoust war o lec'hienn) | |
| 2008 | The Rule Of Thirds | 2xLP/CD | |
| 2008 | Forever loves decay | Kanaouenn ar gaver war ar bladenn roet gant ar gelaouenn Elegy niv 52 | |
| 2010 | Peaceful Snow/Lounge Corps | CD/2*10" PICTURE DISC/2*10" SNOW BLUE/2*10" SNOW WHITE/USB BOX |
