Daouboent
| Sinoù diakritek |
|---|
|
Sin diakritek
Breve ( ˘ )
Krogig / Dấu hỏi ( ̉ ) |
| Merkoù all implijet a-wechoù evel sinoù diakritek |
|
Skrab ( ’ ) |
An daouboent a zo ur sin diakritek eus al lizherenneg latin hag a ziskouez evel daou boent war ur vogalenn.
Taolenn |
[kemmañ] E brezhoneg
E brezhoneg eo an daouboent (¨) ur sin diakritek a lakaer war ur vogalenn evit merkañ e ranker disrannañ anezhi diouzh an hini a zo en he raok.
- Kavet e vez dreist-holl war al lizherenn u: eürus, emroüs;
- Kavet e vez a-wezhioù war al lizherenn i:
- dre ret er ger gouïlh;
- a-wezhioù, ha dreist-holl er varzhoniezh hag ar c’hanaouennoù, evit merkañ ez eo un i vogalenn hag e talvez eta evit un troatad: alïes.
[kemmañ] E yezhoù all
[kemmañ] galleg
Ar galleg a implij anezhañ da verkañ ur vogalenn da vout distaget distag diouzh unan all en he raok: naïve, Noël, ambiguïté, aiguë, Pierre Louÿs.
[kemmañ] kembraeg
Ar c'hembraeg a ra heñvel: copïo.
[kemmañ] nederlandeg
An nederlandeg, ur yezh hag a ra gant kalz divc'hrafennoù a ziv vogalenn, a implij anezhañ e gerioù kemeret diouzh yezhoù latin evel tetraëder, naïviteit, reële, geïnd, reünie, conciërge, koloniën, poëzie, egoïsme, coördinatie, ruïne, vacuüm...
[kemmañ] portugaleg
Skivet e vez ivez cinqüenta hervez reolennoù reizhskrivañ portugaleg Brazil.
[kemmañ] spagnoleg
Ar spagnoleg a ra gantañ evit dispartïañ an digramm gu araog e pe i: vergüenza, lingüística.
[kemmañ] yezhoù all
Yezhoù all a ra gant an ë evit merkañ ar « schwa », pe evit merkañ emañ mut ar vogalenn (galleg « de Staël » /stal/).
[kemmañ] Daouboent hag Umlaut
Dishañval eo an daouboent diouzh an Umlaut.
[kemmañ] Da ziwall
Arabat kemmeskañ an daouboent gant an an daoubik (:) a zo un arouez poentaouiñ.
