Croque-monsieur

Eus Wikipedia
Mont da : merdeiñ, klask
Hennezh a zo gant krign

Croque-monsieur zo ur sandwich gant bara, kig morzhed-hoc'h ha keuz ordinal, alies gruyère, poazhet en ur baelon, en ur forn, pe ur benveg aozet a-benn-kaer.

Kozhik e c'hall bezañ ar bara (un nebeud deizioù), glec'hiet e vioù baset a-raok bezañ fritet. Gallout a reer servij gant lipig gwenn (bechamel pe Mornay), hervez al lec'h ma c'houlenner un hevelep meuz, hag ar briz ez oar prest da baeañ.

Istor[kemmañ]

Kentañ croque-monsieur a vije bet gwelet e Pariz en ur c'hafedi e 1910, met n'ouzer ket a belec'h e teu an anv. Meneg eus ar meuz a gaver gant Marcel Proust en e romant À l'ombre des jeunes filles en fleurs, embannet en 1919 : « Or, en sortant du concert, comme, en reprenant le chemin qui va vers l'hôtel, nous nous étions arrêtés un instant sur la digue, ma grand'mère et moi, pour échanger quelques mots avec madame de Villeparisis qui nous annonçait qu'elle avait commandé pour nous à l'hôtel des « croque-monsieur » et des œufs à la crème… ».


Hag ivez[kemmañ]

Croque-madame: unan eus bleunioù ar c'heginañ e Bro-C'hall

Croque-madame a vez graet eus ar c'h-croque-monsieur pa vez lakaet ur vi war-benn. Anvioù all zo c'hoazh hervez ma lakaer tomatezenn e-lec'h vi, keuz glas Auvernh e-lec'h gruyère.

Brezhonekaet[kemmañ]

  • Gant Ofis ar Brezhoneg eo bet troet gant "chaok-aotrou"[1], da zreveziñ ar ger gallek, met ne vez ket chaoket bara krazet evel kig.
  • Kraz-ouzh-kraz, kraz-oc'h-kraz a zo bet kinniget ivez, hag anvioù all c'hoazh evel bara peg-ha-pok. Da vihanañ ne varmouzont ket ar ger gallek.
  • En em c'houlenn a c'haller ha talvout a ra ar boan klask treiñ ur meuz ken ral e Breizh, ken koustus d'ar yalc'h, ha ken fall d'ar yec'hed.

Notennoù[kemmañ]

  1. chaok-aotrou, e Termofis