Charlez IV, dug Alençon

Eus Wikipedia
Charlez IV, dug Alençon
Tresadenn eus ar XVIIvet kantved

Charlez IV, dug Alençon (1489 - 1525 e Lyon), a oa un den a ouenn uhel, priñs eus an Tiegezh Valois, dimezet da Marc'harid Bro-C'hall (1492-1549), c'hoar henañ ar roue gall Frañsez Iañ . Kont Perche e oa ivez adal 1492, ha kont Armagnac, Fénezac ha Rodez adal 1497. Anvet e oa bet da c'houarnour Breizh.

E vuhez[kemmañ | kemmañ ar vammenn]

Mab e oa da René, dug Alençon ha kont Perche, ha da Varc'harid Lorraine-Vaudémont, a voe anvet da wenvidigez.

E 1497, pa varvas e eontr-kozh Charles d'Armagnac, e teuas da vout kont Armagnac ha Rodez.

E 1509 eo e timezas da Varc'harid Bro-C'hall, merc'h da Charles d’Orléans, kont Angoulême, ha da Louise de Savoie, c'hoar henañ ar roue gall Frañsez Iañ.

Brezelour[kemmañ | kemmañ ar vammenn]

Brezeliñ reas en 1507 en Italia dindan urzhioù ar roue gall Loeiz XII, ha perzh a gemeras e seziz Genoa.

E 1509 en em gannas en Agnadel, ha gant an arme c'hall e kemeras kêrioù Bergamo, Caravaggio, Borromeo ha Cremona.

E 1510 e voe anvet gouarnour Breizh. E 1515 e teuas e vreur-kaer da vout roue, ha setu-eñ adarre o vrezeliñ en Italia. En emgann Marignano edo e 1515, hag e 1521 e tifennas Champagn dirak arme Carlos Iañ Spagn.

D'ar 24 a viz C'hwevrer 1525 en em gannas en Pavia, hag eñ an hini a en em gavas e penn an arme c'hall goude tapet ar roue gant e enebourien. Kas a reas an arme en-dro da Vro-C'hall goude ar faezhadenn. Yac'h ha dibistig e oa, ha tamallet e voe dezhañ bezañ laosket ar roue en emgann.

E varv[kemmañ | kemmañ ar vammenn]

Gant ar glac'har hag ar vezh, a-hervez, e klañvas hag e varvas. Bugel ebet n'en doa. Mont a reas e vadoù gant e intañvez, diwar-goust e c'hoar Françoise d'Alençon.

Addimeziñ a reas an intañvez da Herri II Navarra.