Cerdanya

Ardamezioù Cerdanya

Ar gwel eus Tosa d'Alp. E-kreiz ar skeudenn emañ Puigcerdà, etre ar stêrioù Segre (a-zehou) ha Querol (a-gleiz), gant menez Carlit (2921 m) en a-dreñv.

Ar menez Puigmal gwelet eus Guils de Cerdanya.

Cerdanya (hervez an anv katalanek, Ceritania e latin), pe Cerdaña e spagnoleg ha Cerdagne e galleg, zo un draonienn e reter ar Pireneoù hag ur vroig istorel eus Katalonia, dezhi ur gorread a 1086.07 km², rannet etre Spagn ha Bro-C'hall : 50.3 % eus ar gorread a zo gant Spagn, ha 49.7 % gant Bro-C'hall.

Kêrioù

Puigcerdà eo kêr vrasañ Cerdanya, gant 12 000 a dud, war lez an harzoù, tre dirak Bourg-Madame, en tu all, 900 a dud. Stag ouzh stad Spagn eo kêr Llívia ivez daoust m'emañ enklozet e-kreiz kumunioù gall.

Istor

Betek 1375 e oa ur gontelezh, a voe staget neuze ouzh rouantelezh Aragon, a emunanas gant rouantelezh Kastilha d'ober rouantelezh Spagn.

E 1659, dre Feur-emglev ar Pireneoù, e voe rannet Cerdanya etre rouantelezhioù Spagn ha Bro-C'hall.

Emañ bepred al lodenn norzh (Alta Cerdanya) e-barzh ar Republik C'hall (26 kumun), tra m'emañ al lodenn greisteiz (Baixa Cerdanya) e kumuniezh emren Katalonia, e Spagn, ul lodenn anezhi e proviñs Lleida, ar peurrest e proviñs Girona.

Poblañs

26 500 a dud a oa e 2001. Gant 24 annezad dre km² eo ar c'hornad nebeutañ tudet en Europa ar c'hornog. 53.4 % e Baixa Cerdania (Spagn) ha 46.6 % en Alta Cerdanya ( Bro-C'hall).

Menezioù

Ar menezioù uhelañ eo

• Carlit, 2921 m,
• Puigmal, 2 909 m.

Gwelout

Pep a bennad zo diwar-benn div rann Cerdanya

• Alta Cerdanya
• Baixa Cerdanya

Liamm diavaez

• Trinxat.cat Tècniques per a escapar-se a la Cerdanya
• La Cerdagne, e galleg