Caroline Otero
Agustina Otero Iglesias (4 a viz Du 1868 e Ponte de Valga (Pontevedra, Galiza) - 10 a viz Ebrel 1965 e Nice), anavezet evel Caroline Otero, pe La Belle Otero, a oa un dañserez ha kanerez, ha kourtizanez brudet e Pariz e deroù an XXvet kantved.
Merc'h e oa d'ur vamm dizimez ha ne reas ket war he zro. Goude bout gwallet d'he 10 vloaz e tec'has eus ar gêr un nebeud mizioù goude ha ne zistroas biskoazh da Valga. E-kerzh he zec'hadenn e tivizas kemm hec'h anv-badez Agustina, ha bezañ Carolina
[kemmañ] He serc'heien
Serc'h e voe da Gwilherm II, impalaer Alamagn, da Nikolaz II tsar Rusia, da Leopold II roue Belgia, da Alfoñs XIII roue Spagn, da Edward VII roue Bro-Saoz, da Aristide Briand (a zarempredas betek e varv ), da Cornelius Vanderbilt, hag un toullad re all.
Dastum a reas Otero bernioù arc'hant nemet koll a reas anezho e kazinoioù Montecarlo ha Niza, rak klañv e oa gant al ludopatezh, kleñved ar c'hoarierien.
[kemmañ] Lennadurezh
- A Bela Otero, pioneira do cine, Miguel Anxo Fernández. Editorial Galaxia. Vigo, 2003. ISBN 84-8288-617-7.
- Arruíname pero no me abandones. La Bella Otero y la Belle Époque, Marie-Helène Carbonel y Javier Figuero. Ed. Espasa Calpe, 2003.
- As auténticas memorias da Bela Otero, Carolina Otero. Ediciones Xerais de Galicia. Vigo, 2001. ISBN 84-8302-685-6.
- La Belle Otero, Authur Lewis, 1967.
- La Belle Otero, The Last Great Courtesan, Charles Castle, 1981.
- La passion de Carolina Otero, Ramón Chao, 2001. (Biografía novelada).
