Candace

Candace zo un anv-badez saoznek roet d'ar merc'hed e SUA dreist-holl.

Orin

Dont a rafe an anv Candace eus anv ur rouanez (Kandakè e gregach) a gaver en Testamant Nevez. En Oberoù an Ebestel (8:26-8:27) ez eus kaoz eus un den eus bro "Candace, rouanez an Etiopianed":

Hag Ael an Aotrou a lavaras da Fulup : Kae war-zu ar c'hreisteiz da dapout an hent a gas eus Jerusalem betek Gaza, a zo didud. Hag eñ sevel ha mont: Ha gwelout un den eus Etiopia, ur Spazh a renk uhel dindan Candace, Rouanez an Etiopianed, karget eus an teñzor, deuet da Jerusalem da azeuliñ.

Hiziv e kreder e oa an anv kandake un anv divoutin roet da rouanezed e rouantelezh Kush, en Afrika. Setu soñj André Chouraqui, en e droidigezh c'hallek, pa ginnig ar furm Qandaq.

Adstummoù

• Candice, diwar an doare da zistagañ Candace.

Tud

• Candace Bushnell, skrivagnerez stadunanat

Lennegezh

• Candace "Caddy" Compson, er romant The Sound and the Fury, gant William Faulkner.

Brudet

Brudet eo bet adalek ar bloavezhioù 1950. E SUA e voe stank a-walc'h an anv er bloavezhioù 1970, 1980, 1990.