C'hwil-kornek

Eus Wikipedia
Mont da : merdeiñ, klask
C'hwil-kornek
Cerf-volant MHNT male et femelle.jpg
Rummatadur klasel
Riezad : Loened
Skourrad : Arthropoda
Kevrennad : Insecta
Urzhiad : Coleoptera
Kerentiad : Lucanidae
Genad : Lucanus
Anv skiantel
Lucanus cervus
Linnaeus, 1758
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png

Ar c'hwil-kornek, pe gwrac'h an diaoul, pe kornegan, (Lucanus cervus) zo un amprevan bras a-walc'h (betek 90 mm evit ar pared), anavezet dre e garvanoù diorroet-tre.

An ûioù a vez dozvet en douar gant ar barez. Al larvennoù a chom kuzhet er c'hoad bruket pe gwrizioù un dervenn gozh lec'h ma gleuzont ribouloù e-pad tri pe bemp bloaz. Ar muzadur diwezhañ a vez graet 20 cm dindan gorre an douar. Digloriñ a reont en diskar-amzer ha chom en douar betek miz Even.

An imagoed a vev er gwez derv lec'h ma klaskont ur gloaz bennak da lipat gant o zeod melen ha blevek ar sev o tiverañ dioutañ.

Disheñvel eo ar pared diouzh ar parezed dre ment hag implij o c'harvanoù. Bras-tre eo re ar pared a servij dezhe en emgannoù da c'hounit ur vestrez. Diorroet nebeutoc'h eo re ar parezed a implijo anezhe da gleuziañ an douar a-raok dozviñ o ûioù.

En abeg d'an dismantr gwez eo rouesoc'h-rouez ar c'hwiled-kornek.