C'heiron

Eus Wikipedia
Mont da : merdeiñ, klask
C'hiron o kenteliañ Akilles'.
C'hiron o kenteliañ Akilles', livet gant Jean-Baptiste Regnault.
Deskadurezh Akilles, gant Delacroix (toennvolz ar Palais Bourbon e Pariz)

C'heiron (Χείρων e gregach, distaget C'hiron e gresianeg a-vremañ) a oa un den-marc'h e mojennoù Hellaz kozh. Mab e oa d'an doue Kronos ha d'an okeanidenn Filira.


Ganedigezh[kemmañ]

Evit tec’hel rak gwarizi e wreg Rea petra a reas Kronos nemet treiñ Filira e kazeg, hag en em dreiñ e-unan e marc’h. Se zo kaoz e c’hanas e zousig Filira un den-marc’h.

Kouslskoude e oa disheñvel C'hiron diouzh an dud-kezeg arall : int-i a oa diwar Iksion ha Nefele, garv ha kriz e oant, e-skoaz C’hiron a oa un den a furnez hag a ouiziegezh. Gant Artemis hag Apollon en doa desket chaseal, seniñ, diouganañ, louzaouiñ, setu perak e voe mestr Asklepios.

E ziskibien[kemmañ]

Ouzhpenn Asklepios avat en doe meur a ziskibl all, rak goulennet e veze outañ kenteliañ paotredigoù.


Peleüs o reiñ e vab Akilles da C'hiron, war-dro 500 kent JK, Mirdi broadel hendraouriezh Aten

E vuhez[kemmañ]

Bevañ a rae C'hiron en ur vougev war ar Menez Pelion en Tessalia. Dimeziñ a reas da C'hariklo, hag ur verc'h o doe, Endeis, a voe mamm Peleüs. Eñ an hini a savas e vab-bihan. e ziwall a reas diouzh troioù fall ha taolioù an dud-kezeg ar menez, ha diwezhatoc'h e kentelias anezhañ war an doare da loaviñ Tetis.

War-lerc'h e teuas Peleüs davetañ da c'houlenn digantañ ober war-dro Akilles , ar mab en doa bet gant Tetis just a-walc'h.

E varv[kemmañ]

Bod en doa roet C'hiron da Herakles, a gare anezhañ. A-du ez eas gant an haroz en e vrezel ouzh an dud-kezeg. E-kerzh ar brezel-se eo e voe gloazet e droad gant ur saezh taolet gant Herakles. Traet a lakaas war e c'hloaz, met pareañ n'halle ket. kement a boan en doa ma c'houlennas ouzh an doueed koll an divarvelezh ha mervel . A voe roet dezhañ, war-lerc'h m'en doe roet e zivarvelezh da Brometeüs.

Gant C'hiron a reas Zeus pe steredeg an Den-Marc'h, pe hini ar Skuilh-Dour, hervez an oberourien.

E boltredoù[kemmañ]

Tost atav eo bet poltredet oc'h ober war-dro Akilles.


Liamm diavaez[kemmañ]


Commons
Muioc'h a skeudennoù diwar-benn

a vo kavet e Kerandafar, ar sanailh ma vez klenket dafar ar Wikipedia.