Bulien

Bulien (distaget: ['byljɛn]) zo ur gumun gozh a Vreizh e bro Lannuon, lec'hiet er gevred da gêr Lannuon. Ul lodenn eus Lannuon eo bremañ.

Douaroniezh

Etre al Leger hag ar Gindi emañ Bulien.

Kumunioù amezek : Lannuon; Brelevenez; Rospezh; Kaouenneg; Tonkedeg

Anv

Stummoù skrivet

B. Tanguy : Buhulyen, 1426; Buhulien, 1440, 1481 E. Vallerie : Bazulin, 1630; Buzulien, 1731

Gerdarzh

Hervez Hervé Abalain (2000), an anv a deuje eus *bou- = loened saout.

N'eo ket dibosubl. Bulien en em gav e kroashent an hentoù kozh eus Gwengamp da Lannuon, hag an hini a ya eus Plûned da Donkedeg. Hag evel-se, e vije heñvel ouzh ur staol (= stabula, insula) war hentoù galian ha roman.

Ardamezioù

En aour e zaou beul en glazur, e ziv dreustell en argant balirant.

Istor

• Ur barrez en eskopti Treger e oa.

Dispac'h Gall

• E 1790 e voe krouet kumun Bulien.

XX^vet kantved

Brezel-bed kentañ

• Mervel a reas 38 gwaz abalamour d'ar brezel hervez monumant ar re varv, da lavaret eo 4,65 % ag ar boblañs hervez an niveradeg bet graet e 1911; unan anezhe a varvas e Maissin e Belgia d’an 22 a viz Eost 1914, soudard e oa en 19vet Rujumant Troadegiezh

Eil Brezel-bed

• Mervel a reas seizh den ag ar gumun abalamour d'ar brezel

.

Brezelioù didrevadennañ

Brezel Indez-Sina

• Mervel a reas ur soudard eus ar gumun.

Lannuon

• E 1961 e oa bet staget Bulien ouzh kumun Lannuon.

Monumantoù ha traoù heverk

• Iliz Santez Marc'harid.

• 
• 
  Iliz. Gevred
• 
  Iliz. Jube & Ograoù
• 
  Banniel. St-Ervoan
• 
  Banniel. Zant-Eler
• 
  Sakramant an Aoter

• Monumant ar re varv e-tal an iliz katolik.

• 

• Kroaz ar Wazh Kloz.

• 
  Kroaz ar Wazh Kloz e Bulien

• Kastell Kerivon.

• 

Brezhoneg

Ar Brezoneg er Skol

• 1934-1936: ar c'huzul-kêr a savas a-du gant ar mennad skignet gant al luskad Ar Brezoneg er Skol (ABES) evit kelennadurezh ar brezhoneg er skol.
• Koulmig ar Gindi e oa titl kannadig-parrez Bulien, Kaouenneg ha Lanvezeeg (renet gant Ao. person Marsel Klerg).

Emdroadur ar boblañs abaoe 1793

Melestradurezh

• François Rogon de Gargaradec a oa maer e 1837 ha Jean-Baptiste Le Gac e 1860.

Tud

• Familh Kerivon. "gwezboellek etre aour ha gul, ur steredenn en aour ouzh kondon". ger-ardamez : "sequar quocumque licebit"
• Familh Rogon a Gargaradeg. "en glazur, e dri roc'h-gwezboell en aour" Tri ezel ar familh se a zo bet fuzuilhet (= drouklazhet) gant ar republikaned war lec'h an dilestradeg c'hwitet ar roueelourien e Kiberen e 1795 : Ad.-Marie-Louis; Hyacinthe-Félix-Augustin-Madelaine; Louis-Marie-Th^re
• Lies-hini Rogon a Gargaradeg a zo bet maer Bulien.
• Marsel Klerg bet person eno e-pad bloavezhioù.
• Maria Prat, ganet eno.
• Fañch Broudig, ganet eno e 1946.
• Gwilherm Dubourg, bet person eno.

Ardamezeg ar familhoù

	Le Borgne Aotrounez Saint-Hilivay (St Elivet)	En argant e gab dentek en gul
	Kerivon Aotrounez al lec'h se	Gwezboellek etre aour ha gul ; ur steredenn en aour ouzh kondon
	Rogon de Carcaradec	En glazur e zri roc'h gwezboell en aour

Liammoù diavaez

• (fr)Gallica