Buhez arallved

Eus Wikipedia
Dizemglev war an dermenadurezh

An nevezc'herioù a zo implijet er pennad-mañ a zo bet krouet a-ratozh-kaer.
Ne vezont ket kavet er geriadurioù ordinal peurvuiañ eta, pe, a-wechoù dre abeg teknikel pe abeg resis, ne glot ket an termenadur anezho gant an termenadur boutin.

Timpr 16 kopek eus an Unaniezh Soviedel (1967). Skiant-faltazi. Ul loarell eus ur sevenadur bedallat

Ar vuhez bedallat zo ur seurt buhez diwanet e diavaez an Douar, en ur bed all. E vezañs n'eo nemet ur vartezeadenn o vezañ ma n'eus prouenn ebet eus ur vuhez bedallat a vije bet degemeret gant kumuniezh ar skiantourien.

Krediñ a ra ar pep brasañ eus ar skiantourien, ma'z eus buhez e diavaez an Douar, ez eo diwanet en ur feson distag, e lec'hioù disheñvel eus an hollved. Hervez ur vartezeadenn all (panspermia) e c'hallfe ar vuhez bezañ diwanet en ul lec'h ha goude se bezañ en em strewet eus an eil ezplanedenn d'eben. An eil martezeadenn ne'z a ket a-enep egile. Studi ar vuhez bedallat zo anvet astrobevoniezh. Ar vuhez bedallat a c'hallfe c'hoarvezout eus boudoù speredek evel eus bakteri.

E-touesk al lec'hioù a c'hallfe ar vuhez bezañ diorroet enne emañ Meurzh, loarennoù Yaou ha Sadorn (Da skouer Europa[1] ha Titan), ha n'eus ket pell Gliese 581 c, zo an ezplanedenn anavezet nemeti zo e takad annezus e steredenn hag he dije dour er stad liñvel war he gorre, evit ar mare[2].

Notennoù[kemmañ | kemmañ ar vammenn]