Bugulgan

Eus Wikipedia
Mont da : merdeiñ, klask

Ur bugulgan, pe mêsaergan (pe maesaergan) zo ur varzhoneg a denn d'ar vugulion pe mêsaerien (pe maesaerien) , da lavarout eo diwar-benn kas al loened da beuriñ pe bevañ e-kreiz ar maezioù. Lavarout a c'haller eklog ivez, diwar-lerc'h anv oberenn ar barzh latin Vergilius , anvet Eclogae pe Bucolica.

Eklogoù[kemmañ]

Dsheñvel eo sterioù ar gerioù Eclogae ha Bucolica .
Dont a ra ar ger latin ecloga eus ar ger gregach ἐκλογή/eklogē. Eklogoù Vergilius a oa awenet gant re ar barzh gresian Teokritos, ha ne dalveze ar ger nemet evit pezhioù berr, pe darnoù eus barzhonegoù. Ar ger-se a veze lavaret e latin gwechall eus ar barzhonegoù a ya d'ober al levr Bucolica, ma voe implijet goude gant barzhed latin da ober anv eus o bugulganoù savet e doare Vergilius, evel ar varzhed Calpurnius ha Nemesianus. Evel ma voe kreñv levezon Vergilius, dreist-holl war varzhed an Azginivelezh, eo chomet ar ger war ar seurt barzhonegoù.