Brezhoneg eeun

Ar brezhoneg eeun a oa un dibab mil ger brezhonek, da zeskiñ d'ar vrezhonegerien lenn ha skrivañ o yezh da gentañ, hag aesaat deskiñ ar yezh d'ar re all. Ijinet e oa bet e 1935 gant Roparz Hemon.

Orin

Kemeret en doa da skouer ar Simple English, pe Basic English, krouet gant Charles Kay Ogden, evit kelenn saozneg, ha kinniget el levr Basic English: A General Introduction with Rules and Grammar embannet e 1930.

Kemend-all a vo graet evit ar galleg ivez er bloavezhioù 1950 gant ar français fondamental savet evit kelenn galleg d'an estrenien ha da bobloù an impalaeriezh trevadennel c'hall a oa da vezañ gallekaet.

Petra eo ?

Un doare aes da lenn ha skrivañ brezhoneg eo ar brezhoneg eeun.

E saozneg e oa ar skouer pa oa bet krouet ar roll-gerioù ha savet e oa bet ur roll eus ar brezhoneg pemdez, mil ger ennañ, gant Roparz Hemon, evit ma vefe aesoc'h al lenn d'ar re a gomañs da zeskiñ brezhoneg. Embannet e oa bet e 1935.

Lennadurezh

Diwar-benn ar brezhoneg eeun gant Roparz Hemon

• Alc'hwez ar brezhoneg eeun ; La clef du breton simple, Gwalarn (83), 1935 ; adembannet e 2001 gant Mouladurioù Hor Yezh ;
• Penaos eo bet savet roll-gerioù ar 'brezhoneg eeun' , Gwalarn (118), 1938 ;
• Penaos eo bet savet roll gerioù-diazez ar brezhoneg, Ar bed keltiek (27), 1961.

Levrioù skrivet e brezhoneg eeun

Gant Roparz Hemon

• Alanig an tri roue (romant nedeleg, 1950) ;
• Ar barrad-erc'h (danevell troet diwar bPouchkin, deiziad) ;
• Diamantoù Keroulaz (romant polis, 1964) ;
• Furnez ha faltazi (pennadoù dastumet gant Hor Yezh goude marv Roparz Hemon e 1998) ;
• Gaovan hag an den gwer (romant an Daol-Grenn, deiziad) ;
• Ho kervel a rin en noz (danevelloù, dastumet gant Embannadurioù Al Liamm e 1970) ;
• Kontadennoù a vro-Skos (kontadennoù, deiziad) ;
• Re Bennavel (danevell, deiziad) ;
• An tenn (danevell troet diwar bPouchkin, deiziad) ;
• An ti a drizek siminal (romant polis embannet gant Al Liamm e 1956) ;
• Ur prenestr a oa digor (danevell, deiziad).

Embannadurioù An Here :

• levrioù an heuliadenn Berr-ha-berr, Ali Baba, Aladdin, Sindbad ar martolod en o zouez.

Liammoù

• Roparz Hemon
• Gerioù ar brezhoneg eeun
• Gerioù ar brezhoneg eeun er Wikeriadur

• Kement eo ar "brezhoneg eeun" hag ar "français fondamental" e galleg pe ar "basic English" e saozneg.
  • Français fondamental (Wikipedia gallek)]
  • Anglais basic (British American Scientific International Commercial English) (Wikipedia gallek);
  • Basic English (Wikipedia saoznek);
  • Basic English alphabetical wordlist (roll gerioù ar Basic English).
• Saozneg aes:
  • Simple English. Brasoc'h eo niver ar gerioù e "simple English" ; chom a ra aes, avat, ar reolennoù yezhadur.
  • Simplifications de l'anglais (Wikipedia gallek).