Bornholm
Diwar Wikipedia, an holloueziadur digor
Bornholm zo un enezenn danat er Mor Baltel, etre aodoù Sveden en norzh hag Alamagn ha Polonia er su. Unan eus kumunioù Danmark eo.
Unan eus inizi bras ar Mor Baltel eo, dezhi ur gorread a 588 km² ha 43 245 annezad (e 2006). Rønne eo ar gêr vrasañ.
Tevennoù serzh zo a-hed an aod norzh met izel a-walc’h eo an aod su. Gwechall e veve an annezidi diwar ar pesketaerezh ; bremañ eo deuet an touristerezh da vezañ pouezus.
E sagaoù skandinavek ar Grennamzer e veze graet Burgundarholm eus Bornholm. Alfred ar Bras, ar roue saoz a vrezelias a-enep an Daned en IXvet kantved, a rae anezhi Burgenda Land. Krediñ a reer e vije bet lec’h annez orin pobl ar Vurgonded.
[kemmañ] Liammoù diavaez
- Bornholms Regionskommune (Lec’hienn ofisiel)
- Velkommen til Bornholm
