Borneo

Eus Wikipedia
Mont da : merdeiñ, klask
Borneo, en enezeg Indonezia
Enez Borneo, rannet etre stadoù Indonezia, Malaysia ha Brunei.

Borneo zo un enezenn vras e gevred Azia. Gant ur gorread a 743 330 km² ez eo-hi an trede enezenn vrasañ er bed. Al lodenn vrasañ eus an enezenn zo en Indonezia, ha Kalimantan a vez graet anezhi alies. Hogen en Indonezia e talvez an anv "Kalimantan" da envel an enezenn a-bezh. Al lodenn norzh eus an enezenn zo rannet etre Malaysia (stadoù Sabah ha Sarawak) ha rouantelezh Brunei.

En-dro da Vorneo emañ Mor Su Sina en norzh hag er gwalarn, Mor Sulu er biz, Mor Sulawesi er reter ha Mor Java er su. Er c'hornôg da enez Borneo emañ Ledenez Malaya hag enez Sumatera, er su emañ enez Java (pe Jawa) hag er reter Sulawesi. E Sabah emañ ar menez uhelañ, menez Kinabalu, zo dezhañ 4 095 m a uhelder.

Pinvidik eo natur Borneo ha niverus eo ar spesadoù plant ha loened : 221 spesad bronneged, 420 spesad evned, 3 000 spesad gwez... Gwechall e oa goloet an enezenn a-berzh pe dost gant koadegi trovanel, met war-gil eo aet ar gorreadoù dindan wez er bloavezhioù diwezhañ.