Bleizig-teil

Eus Wikipedia
Mont da : merdeiñ, klask
Bleizig-teil
Gryllotalpa gryllotalpa MHNT.jpg
Rummatadur klasel
Riezad : Loened
Skourrad : Arthropoda
Kevrennad : Insecta
Urzhiad : Orthoptera
Kerentiad : Gryllotalpidae
Genad : Gryllotalpa
Anv skiantel
Gryllotalpa gryllotalpa
Linnaeus, 1758
Ar pennad-mañ a denn d'ar
vevoniezh
AlphaHelixSection.svg Kantarell, Iduns kokbok.jpg Symbole-Zoo.png

Ar bleizig-teil, pe kazh-prad, (Gryllotalpa gryllotalpa) zo un amprevan turier.

Bihan eo o fenn ha berr o zastornelloù. Un organ-skrilhat zo war eskell kentañ ar pared. Azasaet eo o favioù a-raok evit turiañ an douar ha dre-se e tennont da bavioù ar gozed. Dic'houest int da lammat hag e reont gant o eil ha trede re bavioù evit kerzhet.

War-dro 400 û a vez dozvet en ur gambr vras dindan-douar kleuziet gant ar barez. Honnezh a ziwall anezhe (hag al larvennoù war o lerc'h) ouzhpenn evit ur mizvezh-pad. Goañviñ a ra al larvennoù don en douar ha muzañ div wech en nevez-amzer a-raok dont da vezañ imagoed.

Ar bleizigoù-teil a vez oberiant diouzh an noz etre miz Ebrel ha miz Here. Bevañ a reont e tachennoù fresk, liorzhoù, pradennoù hag e-kichen ar stankoù. Pa serr an noz e krog ar pared da ganañ.

Debriñ a reont gwrizioù, larvennoù amprevaned all, buzhug ha blotviled.

Pavioù a-raok ur bleizig-teil