Aurelius Victor

Eus Wikipedia
Mont da : merdeiñ, klask

Sextus Aurelius Victor (war-dro 327 - war-dro 390) a oa ur politikour hag istorour roman a orin Afrikan. Gouarnour e voe e Pannonia en amzer Juluan (360-363) ha dont a reas da vout praefectus Urbi, prefed kêr (Roma) en 389.

Oberennoù[kemmañ]

Pevar levr a zo bet lakaet war e gont:

  • Origo gentis Romanae,
  • Liber de viris illustribus
  • De Vita et Moribus Imperatorum Romanorum excerpta ex Libris Sex. Aur. Victoris
  • Liber de Caesaribus. N'eus nemet hennezh a zo diwar e zorn e gwirionez. Dizanv eo ar re all. Un heuliad buhezioù impalaerien eo, adalek Aogust betek Constantius II, savet e 360, awenet gant doare Sallustus, Tacitus, ha Suetonius. Dre ma ne oa ket eus metoù an arme n'en deus ket aon rak barn an arme hag an dud tremenet drezi.

Kendalc'het e voe e labour gant un den dizanv a skrivas Epitome de caesaribus war-lerc'h 395 .

Kentañ ma voe embannet ar pevar levr a voe graet gant Andreas Schottus(8 levrenn , Antwerpen, 1579).

Levrlennadurezh[kemmañ]

  • Aurélius Victor, Livre des Césars, traduction et commentaires par P.DUFRAIGNE, Paris, Les Belles Lettres, 1975

Liammoù[kemmañ]