Arm

Eus Wikipedia
arm
weapon functional class
Iskevrennad eustool, adult product Kemmañ
Hashtagweapon Kemmañ
Implijet gantcombatant, hunter Kemmañ
2022 Harmonized System Code93 Kemmañ
Armoù gwechall…
… hag armoù bremañ

An armoù zo binvioù graet evit tagañ pe en em zifenn, dre lazhañ pe gloazañ tud pe loened. Implijet e vezont a-enep tud en emgannoù, er brezelioù, pe a-enep loened, pa vezer o chaseal.

Istor[kemmañ | kemmañ ar vammenn]

Skouerioù eus implij armoù eeun a gaver e-touez ar chimpanzeed, evit chaseal. Ar skouerioù koshañ eus armoù implijet gant tud zo goafoù prenn zo bet kavet en Alamagn, hag a sav da 400 000 a vloavezhioù. Armoù kentañ tud ar Ragistor a oa graet gant prenn ha mein. Diwezhatoc’h e voe graet armoù gant arem ha goude gant houarn.

Mare vodern[kemmañ | kemmañ ar vammenn]

E dibenn ar Grennamzer e voe degaset ar poultr eus Sina da Europa ha kroget e voe da implij an danvez-tarzh-se evit an armoù-tan, evel ar fuzuilh. Tamm-ha-tamm e teuas an armoù-tan da vezañ efedusoc’h-efedusañ ha kemer a rejont lec’h an armoù dorn a veze implijet a-raok evel ar c’hlezeoù pe ar gwaregoù.

Donedigezh ar c'hanolioù hag ar mindrailherezioù war an tachennoù emgann a voe ur bazenn hollbouezus e domani ar brezel. Brezel diabarzh Stadoù-Unanet Amerika a voe ar c'hentañ brezel gwelet evel a-vremañ dre ma oa anat e oa an tu gant ar muiañ a nevezintioù a vefe trec'h. Ur skeudenn anat eus fin ar brezelioù mod-kozh a voe implij ar vindrailherez Gatling a-enep ar re Samourai e-pad Brezel ar Boshin.

Ur wech ijinet ar c’hirri-nij e dibenn an XIXvet kantved, e voe graet gant armoù nevez, ar bombezennoù a veze taolet gant an nijerezed eus an oabl. E deroù an XXvet kantved ivez e voe kroget da implij gazoù mougañ, e-pad ar Brezel-bed Kentañ, hag an tankoù. E-pad an Eil Brezel-bed e voe implijet evit ar wech kentañ armoù nukleel.

Oadvezh nukleel ha goude[kemmañ | kemmañ ar vammenn]

Hiroshima dres goude ar vombezadeg nukleel

Abaoe savidigezh ar strategiezh Mutually Assured Destruction (MAD), implij an arm nukleel n'eo ket mui gwelet evel unan posubl. An niver uhel a vombezennoù nukleel a zo ken uhel ma talvezfe fin an denelezh. E-pad ar Brezel Yen, kement ar Stadoù-Unanet Amerika hag an Unvaniezh soviedel a oa bet en ur redadeg d'an armoù nukleel. Pep bro hag e harperien a oa bet o vont gant un hent a lakafe pep bloc'had da vezañ an hini galloudusañ gant an armoù derc'hanel.

Doareoù armoù[kemmañ | kemmañ ar vammenn]


Commons
Commons
Muioc'h a restroù diwar-benn

a vo kavet e Wikimedia Commons.