Anne Lykke

Eus Wikipedia
Mont da : merdeiñ, klask

Anne Lykke pe Anne Henriksdatter Lykke (1595 – 1641) a oa un itron danat, serc'h d'ar priñs Christian Danmark.

He buhez[kemmañ]

Ganet e oa e kastell Vordingborg. Tud a ouenn uhel hag a beadra e oa he zud. Merc'h e oa d'an denjentil ha politikour Henrik Lykke (1555–1611) ha d'e bried Karen Frandsdatter Banner (1559–1616).

Dimeziñ[kemmañ]

E 1615, da 20 vloaz, e timezas Anne d'an denjentil Cai Rantzau (1591–1623), gouarnour meur a balez roueel. E 1616 e c'hanas ur verc'h, Sophie (1616–1635) e Kastell Copenhagen ma oa kuzulier Rantzau. E 1621 e voe anvet Rantzau da Bennkomiser Brezel en arme Danmark en Holstein. Mervel a reas e 1623, pa oa Anne en oad a 27 vloaz. An intañvez yaouank neuze a reas war-dro merañ ar madoù ken na voe lakaet ar c'hontoù en o rez. [1] E miz Mae 1625 e lestras ar roue Christian IV da vont d'ar brezel. Anavezet eo ar brezel-se e Danmark ha Norge evel Brezel an Impalaer (Kejserkrigen).

Addimeziñ[kemmañ]

En 1629, da 34 bloaz, e timezas Anne d'an denjentil pinvidik Knud Ulfeldt (1600–1646), mab da Ganseller ar Rouantelezh Jacob Ulfeldt. Knud Ulfeldt a gollas neuze e garg el lez ha n'eo nemet goude marv Anne e 1641 ma voe anvet da Lord Chamberlain.[2]

Notennoù[kemmañ]