Anna Aostria (1549-1580)

• Ur bajenn disheñvelout Anna Aostria zo ivez.

Anna Aostria (1549-1580), gant Alonso Sánchez Coello.

Anna Aostria, gant Bartolomé González y Serrano, 1616, eoullivadur war lien, 108,5 x 87 cm, Madrid, Mirdi ar Prado.

Skoed Anna Aostria, rouanez Spagn.

Anna Aostria (Cigales, Valladolid, 1añ a viz Du 1549 – Badajoz, 26 a viz Here 1580), a oa ur briñsez aostrian, rouanez Spagn ha Portugal dre he dimeziñ gant Fulup II Spagn, ha pevare pried dezhañ.

He buhez

Merc'h kentañ Masimilian II an Impalaeriezh Santel, ha Mari Spagn e oa. E Spagn e oa ganet Anna, met da Vienna ez eas da chom gant he zud adalek he 4 bloaz. Ur ribitailh breudeur ha c'hoarezed he devoa. Daou anezho, Rudolf II an Impaleriezh santel ha Mazheas, a zeuas da vout Impalaerien Santel, hag he c'hoar Elesbed, a oa pried d'ar roue gall Charlez IX . He zud kozh a-berzh mamm e oa Karl V, hag Izabel Portugal, tad ha mamm he gwaz; he zud-kozh a-berzh tad e oa Ferdinand Iañ an Impalaeriezh santel, hag Anna Bohemia ha Hungaria. Mamm Karl V ha Ferdinand, he zadoù-kozh, e oa Juana de Castilla, lesanvet Juana la Loca (ar Follez)), hag a oa merc'h da Ferdinant II Aragon ha da Izabel ar Gatolikez.

Anna e oa ar bugel muiañ karet gant he zad, a blije dezhañ c'hoari ganti. Un deskadurezh katolik he doe, goude ma oa troet he zad gant mennozhioù Luther.

He dimeziñ

Evel merc'h henañ impalaer galloudusañ Europa e oa klask warni e lezioù ar rannved. Kefrisa e voe e 1568 da Karl Aostria (1545-1568), priñs Asturiez, ha dimezet goude e 1570 d'e dad, Fulup II, roue Spagn, kenderv d'he zad-hi.

He bugale

1. Ferdinand, Priñs Asturiez (1571–1578), marvet da 7 vloaz
2. Charles Laurence (1573–1575), marvet da 2 vloaz
3. Diego, Priñs Asturiez (1575–1582), marvet da 7 vloaz
4. Fulup III Spagn (1578–1621), roue war-lerc'h e dad,
5. Maria (1580–1583), marvet da 3 bloaz

Poltredaoueg

• 

  Anna Aostria, gant Alonso Sánchez Coello

• 

  Anna, gant Antonis Mor

• 

  Fulup hag Anna o vanveziñ gant tud-kar ha tud o lez, gant Alonso Sánchez Coello, c. 1596.

• 

  Anna gant Giuseppe Arcimboldo

He marv

Mervel a reas e 1580 goude genel he merc'h Maria, a varvas tri bloaz goude.

Lennadurezh

• J. Brouwer, Montigny, Representative of the Netherlands by Philip II (Amsterdam z.j. [1941]).
• R. Rodríguez Raso, Maximiliano de Austria, gobernador de Carlos V en España: cartas al emperador (Madrid 1963).
• Fernando González-Doria, Las Reinas de España (Madrid 1986).
• A.W. Lovett, Early Habsburg Spain, 1517-1598 (Oxford 1986).
• John Lynch, Spain 1516-1598. From nation state to world empire (Oxford 1991).
• Geoffrey Parker, Philip II (Chicago / La Salle 1996).
• Henry Kamen, Philip of Spain (New Haven / London 1997).
• Manuel Ríos Mazcarelle, Reinas de España. Casa de Austria (Madrid 1998).
• L. Cabrera de Córdoba, Historia de Felipe II, rey de España, J. Martínez Millán and C.J. ed the Carlos Morales (Madrid 1998).
• Paula Sutter Fichtner, The Emperor Maximilian II (New Haven 2001).
• Pedro Gargantilla, Enfermedades de los reyes de España. Los Austrias. De la locura a la impotencia de Juana de Carlos II el Hechizado (Madrid 2005).