Almere

Almere

Kumun en  Izelvroioù
Banniel
Skoed
Lec’hiadur Almere e proviñs Flevoland hag en Izelvroioù
Proviñs	Flevoland
Kod post	1300-1379
Maer	Annemarie Jorritsma (VVD)
Gorread	248,77 km²
douar	130,33 km²
dour	118,44 km2
Hed	5° 13' .." Reter
Led	52° 22' .." Norzh
Uhelder	.. m
Poblañs	187 002 (31.05.2009)
Piramidenn hervez an oad	(01.2009)
Stankter	1435 ann./km²
Lec'hienn ar gumun	www.almere.nl/

Almere (distagañ [1]) a zo ur gêr hag ur gumun e proviñs Flevoland en Izelvroioù. Stok ouzh Lelystad ha Zeewolde eo. Er gumun emañ an distrigoù da-heul : Almere Stad, Almere Haven, Almere Buiten, Almere Hout, Almere Poort hag Almere Pampus. E polder Zuidelijk Flevoland emañ, ha kêr gornôgelañ proviñs Flevoland eo. Unan eus kêrioù nevesañ an Izelvroioù eo Almere : an ti kentañ a voe savet e 1976, hag ur gumun e teuas Almere da vezañ e 1984. A-fet niver a annezidi ez eo kumun vrasañ Flevoland, hag eizhvet kêr vrasañ an Izelvroioù. E miz Here 2007 e voe un emglev etre dilennidi kuzul-kêr Almere ha gouarnamant an Izelvroioù da vont betek 350 000 annezad a-benn 2030.

Istor

Annezidi gentañ Almere

Raktreset e oa bet e vefe implijet ar vro da labourat an douar. Met goude an Eil Brezel-bed e kreskas buan poblañs Amsterdam ha neuze e voe rakterset sevel div gêr e polder Oostelijk Flevoland hag e hini Zuidelijk Flevoland. The town in Oostelijk Flevoland became Lelystad eo a voe savet en Oostelijk Flevoland. An hini savet e Zuidelijk Flevoland a oa anvet Zuidweststad er raktresoù kentañ, hag e 1970 e voe dibabet an anv Almere, diwar anv kentañ Zuiderzee er Grennamzer. E 1976 e voe savet ti kentañ Almere. D'ar mare-se e veze meret Almere gant Openbaar Lichaam Zuidelijke IJsselmeerpolders (Z.IJ.P.). E 1984 e voe lakaet Almere da gumun.

De Citadel, e kreiz-kêr

Gouarnamant lec'hel

Annemarie Jorritsma-Lebbink (VVD) eo a zo maerez Almere abaoe ar 16 a viz Eost 2003. D'ar 7 a viz Ebrel 2006 e voe aozet ar c'huzul nevez :

• Adri Duivesteijn (PvdA)
• Johanna Haanstra (PvdA)
• Arno Visser (VVD)
• Martine Visser (CDA/ CU)

Listennad maered :

• 1984 - 1986 Han Lammers (PvdA)
• 1986 - 1993 Cees de Cloe (PvdA)
• 1993 - 1994 Cees Roozemond (PvdA)
• 1994 - 1998 Ralph Pans (PvdA)
• 1998 - 2003 Hans Ouwerkerk (PvdA)
• 2003 - 2003 Jaap van der Doef (PvdA)
• 2003 - bremañ Annemarie Jorritsma-Lebbink (VVD)

Kuzul-kêr

Annemarie Jorritsma-Lebbink

D'an 2 a viz Genver 1984 e voe aozet ar c'huzul-kêr kentañ, ma kemeras perzh ennañ Koos Rietkerk hag a oa ministr an diabarzh d'ar mare-se. D'an 21 a viz Gwengolo 1983 e oa bet aozet an dilennadegoù. A-raok 1984 e veze meret Almere gant un Adviesraad a veze dibabet bep daou vloaz (1978-1980, 1980-1982, 1982-1984). Savet e oa an Adviesraad war skouer forzh pe guzul-kêr : ennañ e oa izili eus strolladoù politikel liesseurt. D'an 11 a viz Meurzh 1977 e voe dilennet an adviescommissie kentañ. Ur bodad ennañ 5 den eo. Abaoe 1998 ez eus 39 dileuriad e kuzul-kêr Almere.

Party	1984	1986	1990	1994	1998	2002	2006
PvdA	10	14	9	6	9	7	12
VVD	5	5	7	10	12	8	7
Leefbaar Almere	-	-	-	-	-	9	4
SP	-	-	-	-	-	-	4
GroenLinks	2	1	3	4	4	4	3
CDA	2	3	4	3	3	4	3
Almere Partij	-	1	2	2	3	2	2
ChristenUnie	-	-	-	-	1	1	2
D66	1	2	7	10	5	2	1
Verenigde Senioren Partij	-	-	-	-	1	1	1
Stadspartij Almere	-	-	-	-	1	1	-
CP/CD	2	1	1	2	-	-	-
Stap '84	1	-	-	-	-	-	-
Total	23	27	33	37	39	39	39

Gevellerezh

Gevellet eo Almere gant ar c'hêrioù da-heul:

• Aalborg, Danmark
• České Budějovice, Republik Tchek
• Haapsalu, Estonia
• Kumasi, Ghana
• Lancaster, Rouantelezh-Unanet
• Milton Keynes, Rouantelezh-Unanet
• Rendsburg, Alamagn
• Växjö, Sveden

Kartenn Almere ma weler an distrigoù

Kastell Almere

C'hwec'h distrig (stadsdelen) a zo en Almere.

Anv	Bloavezh	Lec'hiadur
Almere Haven	1976
Almere Stad	1980
Almere Buiten	1984
Almere Hout	1991
Almere Poort	2000
Almere Pampus	-

Emdroadur ar boblañs

Bep bloaz e vez aozet Defqon1 (ur festival sonerezh elektronek) en Almere. E-tro 40 000 den a gemer perzh ennañ.

C'hoariva "Schouwburg Almere"

	Almere Haven	Almere Stad	Almere Buiten	Almere Hout	Almere Poort	Almere Pampus	Almere en holl
1970							52
1975							47
1980	6596						6632
1985	21410	17240	1559				40297
1990	22355	37024	11499				71087
1995	22376	58816	22740	564			104496
2000	22237	83934	35290	1336			142797
2005	22590	103560	47358	1366			175008
2007	22507	105261	51751	1345	134		180998

Transportoù

En Almere ez eo rannet an hentoù e teir lodenn : unan evit ar c'hiri, unan evit ar c'hirri-boutin hag unan all evit an dud war varc'h-houarn. Liammet eo Almere ouzh ar gourhent A6 hag ouzh an hini A27.

Hent-houarn

E 1987 e voe liammet Almere ouzh rouedad hentoù-houarn broadel an Izelvroioù (Nederlandse Spoorwegen). E 1988 e voe peurechuet hentoù-houarn Flevolijn, da vont betek ti-gar Weesp ha hini Lelystad Centrum. Pemp ti-gar a zo en Almere :

• Almere Muziekwijk (digoret e 1987)
• Almere Centrum (digoret e 1987)
• Almere Parkwijk (digoret e 1996)
• Almere Buiten (digoret e 1987)
• Almere Oostvaarders (digoret e 2004).

Ur raktres a zo da sevel unan all, a vefe anvet Almere Poort.

Kirri-boutin

Dek linenn karr-boutin a zo en Almere :

• 1 Almere Buiten Stripheldenbuurt-Almere Haven De Marken
• 2 CS Almere-Gooisekant
• 3 Almere de Vaart-Almere Haven Centrun
• 4 CS Almere-Almere Poort Columbuskwartier
• 5 Almere Oostvaarders-Almere 't Oor
• 6 CS Almere-Almere Parkwijk
• 7 Almere Noorderplassen-Almere Sallandsekant
• 8 CS Almere-Kemphaan
• 9 Almere Buiten-Almere de Vaart
• 10 Almere Buiten- Almere Stad Gooisekant

Al lod brasañ anezho a dremen bep 7 munutenn. Ouzhpenn ez eus ivez kirri-boutin rannvro da vont da Hilversum, Zeewolde, Harderwijk, Schiphol, ha da di-gar Amsterdam Amstel.

Liammoù diavaez

• Sell ouzh Almere gant izili un diazezadur distag
• Geheugen van Almere

Porched an Izelvroioù – Adkavit pennadoù ha rummadoù Wikipedia a denn d'an Izelvroioù.