Alice in Chains

Alice in chains a zo ur strollad rock hag a c’heller lakaat e-touez ar strolladoù heavy metal pe , resisoc’h, ar strolladoù grunge.

Savet e oa bet ar strollad e Seattle gant Layne Staley (kaner), marvet d’ar 5 a viz ebrel 2002 , Jerry Cantrell (gitarour), Mike Inez (isgitar) ha Sean Kinney (taboulinoù).

Savet e oa bet ar strollad e penn-kentañ 1987 e Seattle. Ne sinint war columbia nemet en Ebrel 1989 : o single kentañ, We die young a voe embannet e Mezheven 1990. Ar gantenn gentañ, Facelift a voe embannet daou viz war-lerc’h, renket e voe neuze We die young e-touez ar 5 kanaouenn metal tremenet ar muiañ er mare-hont.

Adalek ar bloavezh 1990 e veze leun-chouk o abadennoù, ha kaset e oa ar strollad d’ober meur a droiad gant arzourion anavezet evel Iggy Pop, Slayer, Anthrax, Van Halen, Rage Against The Machine pe Megadeth.

Adalek miz Du 1994, Layne Staley, kaner ar strollad, a grog da seniñ gant ur strollad all ouzhpenn Alice in chains. Mad season eo anv ar strollad-se, hag emañ ennañ, da skouer, gitarour ar strollad Pearl jam : Mike mcCready. Jerry Cantrell a lerc'hwez, eus e du, ur gantenn solo anvet Boggy depot e 1998, hag a vo heuliet gant Degradation Trip e 2002.

Echu e seblante bezañ gant ar strollad war lerc’h marv Staley, met adkregiñ a reas ar sonerion all da senniñ asambles. Setu penaos e voe dalc'het ganto un abadenn hepken e 2005 da skoazellañ reuzidi an Tsunami en deus skoet Azia e 2004. Goude ez a ar strollad d’ober un droiad e Europa e 2006 gant ur c’haner nevez : William Duvall eus Comes With The Fall.

Istor

Penn-kentañ (1987-1990)

E-kerzh ar bloavezh 1987 e gejas Layne Staley gant ar gitarour/sonaozour Jerry Cantrell en un nozvezhiad. Mignonañ a rejont ha kinniget e voe da Staley embarzhañ strollad Cantrell, anvet Diamond Lie. Er strollad e vez an izgitarour Mike Starr, mignon ouzh Cantrell. Klask a reas ar strollad un tabouliner ha Starr eo a ginnigas da Sean Kinney, karedig e c'hoar, da vezañ en taol.

Buan e krogas a ra ar strollad da aozañ kanaouennoù dezho ha da zroiata e kluboù Seattle, adanvet da vat Alice in Chains, an anv o vezañ awenet gant anv ur strollad kozh a Staley: Alice N' Chainz.

Dont a reas a-benn ar strollad da sinañ ur c'hevrat gant ti Columbia Records e 1989. Goude bezañ lerc'hwezet un heuliad a gantennoù diskouez e penn-kentañ 89 ez embannas ar strollad e vaksi kentañ, We Die Young, e miz Gouere 1990. Kanaouenn ar memes anv a raio ur berzhig war ar skingomzoù metal hag a briento an traoù evit kantenn kentañ ar strollad, Facelift, embannet e miz Meurzh 1992. Ar ganaouenn Man in the Box en do ur berzh dic'hortoz hag a roio tu d'ar strollad da dremen evit ar wech kentañ war MTV. Mont a reas ar strollad da zroiata ha da zigeriñ abadennoù Van Halen hag Iggy Pop, hag e diwezh ar bloaz e voe Facelift anvet da gantenn aour er Stadoù Unanet.

Izili

Izili padel

• William DuVall - Kan, gitar lusk (2006-Bremañ)
• Jerry Cantrell - Gitar solo, kan (1987-Bremañ)
• Mike Inez - Izgitar (1993-Bremañ)
• Sean Kinney - Taboulinoù (1987-Bremañ)

Izili e troiadoù

• Scott Olson - Gitar heklev (1996)
• William DuVall - Kan, gitar lusk (2006-Bremañ)
• Duff McKagan - Gitar lusk (2006-Bremañ)

Ez-izili

• Layne Staley - Kan, gitar lusk (1987-2002) (marvet)
• Mike Starr - Izgitar (1987-1992)

Kantennrolladur

EP-où

• 

  We Die Young
  Gouere 1990
  (Columbia Records)
• 

  Sap
  21 a viz Meurzh 1992
  (Columbia Records)
  US (Gold)
• 

  Jar of Flies
  25 a viz Genver 1994
  (Columbia Records)
  #1 US (2x Platinum)

Kantennoù studio

• 

  Facelift
  20 a viz Eost 1990
  (Columbia Records)
  #42 US (2x Platinum)
• 

  Dirt
  29 a viz Gwengolo 1992
  (Columbia Records)
  #6 US (4x Platinum)
• 

  Alice in Chains
  7 a viz Du 1995
  (Columbia Records)
  #1 US (2x Platinum), #37 UK

Kantennoù leurenn

• 

  Unplugged
  30 a viz Gouere 1996
  (Columbia Records)
  #3 US (Platinum), #20 UK
• 

  Live
  5 a viz Kerzu 2000
  (Columbia Records)
  #142 US (Gold)

Dastumadegoù

• 

  Nothing Safe: Best of the Box
  29 a viz Even 1999
  (Columbia Records)
  #20 US (Gold)
• 

  Greatest Hits
  28 a viz Eost 2001
  (Columbia Records)
  #112 US (Gold)
• 

  The Essential Alice in Chains
  5 a viz Gwengolo 2006
  (Columbia Records/Legacy Recordings)
  #139 US

Prizioù

Anvet e oa bet ar strollad e 1991 d’an American Music Awards er rummad gwellañ strollad heavy metal. War ar renk int bet ivez d’ar Grammy Awards evit an abadenn wellañ, met hep berzh.

Singlioù

Bloavezh	Song	US Mainstream Rock	US Modern Rock	Kantenn
1990	"We Die Young"	-	-	Facelift
1991	"Man in the Box"	18	-	Facelift
1991	"Bleed the Freak"	-	-	Facelift
1992	"Sea of Sorrow"	27	-	Facelift
1992	"Would?"	5	11	Dirt
1992	"Them Bones"	24	30	Dirt
1993	"Rooster"	7	30	Dirt
1993	"Angry Chair"	34	27	Dirt
1993	"Down in a Hole"	10	10	Dirt
1993	"What the Hell Have I"	19	-	Last Action Hero (soundtrack)
1994	"No Excuses"	1	3	Jar of Flies
1994	"I Stay Away"	10	-	Jar of Flies
1994	"Don’t Follow"	25	-	Jar of Flies
1995	"Got Me Wrong"	7	22	Clerks soundtrack
1995	"Grind"	7	18	Alice in Chains
1996	"Heaven Beside You"	3	6	Alice in Chains
1996	"Over Now"	4	24	Alice in Chains
1996	"Again"	8	36	Alice in Chains
1996	"Would?"	-	19	Unplugged
1996	"Down in a Hole"	-	24	Unplugged
1996	"Nutshell"	-	15	Unplugged
1999	"Fear the Voices"	11	-	Music Bank
1999	"Get Born Again"	4	12	Music Bank
2000	"Man in the Box (Live)"	39	-	Live

Liammoù

• (en) load kefridiel