Alfonso V Aragon
Ur pennad Alfonso V zo ivez.
Alfonso V (1396 – 1458) a oa roue Aragon, Valencia (evel Alfonso III), Majorca, Sardinia ha Corsica (evel Alfonso II), roue Sikilia (evel Alfonso Iañ) ha kont Barcelona (evel Alfonso IV) adal 1416, ha Roue Naplez (evel Alfonso Iañ) adal 1442 betek e varv.
Mab e oa da Fernando Iañ Aragon. Kemer a reas ar gurunenn pa varvas e dad e 1416.
E vab Ferdinando Iañ Naplez (1423 à 1494), mab d'e serc'h Lucrezia d'Alagno, a voe Roue Naplez war e lerc'h.
Eured ha bugale[kemmañ | kemmañ ar vammenn]
En 1408 e timezas Alfonso d'e geniterv María de Castilla (1401-1458), a oa merc'h da Enrique III Kastilha,lesanvet el Doliente. En iliz-veur Valencia e voe graet an eured d'an 12 a viz Mezheven 1415. Bugel ebet n'en doe gant e bried Maria : diwar 43 bloaz a briedelezh e tremenas Alfonso 30 anezho en Italia, pell diouzh e wreg.
Div serc'h da vihanañ en doe :
- Margherita Fernández de Hijar, aragonadez
- Gueraldona Carlino[1],[2] Tri bugel en doe ganti :
- Ferdinando (1423-1494), roue Naplez war-lerc'h e dad;
- Maria (?-1449), dimezet da Leonello d'Este, markiz d'Este ha dug Ferrara;
- Eleonora d'Aragona (?-?), a zimezas e 1444 da Marino Marzano, priñs Rossano.