Alaw

Aber ar stêr Alaw e Llanfachraeth

Ar stêr Alaw (Afon Alaw e kembraeg) zo ur stêr en hanternoz Enez Mon, an enezenn vras zo en hanternoz Bro-Gembre.

Eieniñ a ra ar stêr Alaw e Llanerchymedd, e-kreiz an enezenn, hag alese e red betek Llyn Alaw, al lenn zo bet graet dre sevel kleuzioù dreist ar stêr, hag a zo maget gant gwazhioù arall ouzhpenn. Pa deu e-maez al lenn e tremen dre Llanbabo ha Llanfachreth, hag eno e kej gant ar stêr Alaw Fach. Aberiñ a ra e Penrhos, er reter da Gaergybi. Ur 15 km hed zo dezhi, enur gontañ he zreuz dre Llyn Alaw

Er Mabinogi

Kaoz zo eus an Afon Alaw en eil skourr ar Mabinogi, Branwen ferch Llŷr, ma teu Branwen di, ha hi o vervel gant ar ranngalon o welout pegement a vrezelourien eus Ynys y Cedeyrn (Enez ar Gedern, da lavarout eo Enez Vreizh) hag eus Iwerzhon, a zo bet lazhet abalamour dezhi. Beziet eo neuze war lez ar stêr Alaw. E Llanddeusant, war lez ar stêr, emañ ar garn anavet evel Bedd Branwen.

Bag

Ur vag dre lien zo anvet Afon Alaw, c'hoar eo d'ar vag all Afon Cefni, anvet o-div diwar stêrioù Mon.